ރާއްޖެއިން ނެރޭ ޓެރަރިސްޓް ޖަމާއަތުގެ ލިސްޓަށް ގްރޫޕެއް އިތުރު ކޮށްފިއެވެ.
މި ލިސްޓަށް އިތުރު ކޮށްފައި ވަނީ އިންޑޮނޭޝިއާގެ ގްރޫޕެއް ކަމުގައިވާ ޖަމާ އަންޝާރުއް ދައުލާ "ޖޭއޭޑީ"އެވެ.
ޖަމާ އަންޝާރުއް ދައުލާ "ޖޭއޭޑީ"މި ޖަމާއަތަކީ ޓެރަރިސްޓް ޖަމާއަތެއް ކަމަށް 2020 ވަނަ އަހަރު އދ ގެ ސެކިއުރިޓީ ކައުންސިލުންވެސް ވަނީ ކަނޑައަޅާފައެވެ.
ރާއްޖޭގެ ޓެރަރިޒަމް މަނާކުރާ ގާނޫނުގެ ދަށުން ޓެރަރިސްޓް ޖަމާއަތުގެ ލިސްޓެއް ރައީސުލްޖުމްހޫރިއްޔާ ކަނޑައަޅުއްވަން ޖެހެއެވެ. މި ގާނޫނުގައި ބުނާގޮތުން ދިވެހިން ދަތުރުކުރުން މަނާ ހަނގުރާމަވެރި ސަރަހައްދުތައް ވެސް ކަނޑައަޅަން ޖެހެއެވެ.
