ކުޑަކުދިން ގަތުލު ކޮށްގެން އިސްރޭލުގެ ޔަހޫދީންނަކަށް ބާރެއް ނުދެއްކޭނެ ކަމަށް އިސްލާމިކް ރެވެލިއުޝަނަރީ ގާޑް ކޯރޕްސް (އައިއާރުޖީސީ)ގެ ޗީފް ހުސައިން ސަލާމީ ވިދާޅުވެއްޖެއެވެ.
ސަލާމީ މިހެން ވިދާޅުވީ އައިއާރްޖީސީގެ ބައްދަލުވުމެއްގައެވެ. މިބައްދަލުވުމުގައި ވާހަކަފުޅު ދައްކަވަމުން ސަލާމީ ވިދާޅުވީ އޮޕަރޭޝަން އަލް އަޤްސާ ސްޓޯރމް އަކީ އިޒްރޭލުގެ ނިމުން އަންނަ ކަމުގެ ނިޝާނެއް ކަމަށެވެ. އޮކްޓޫބަރު 7 ގައި ހަމާސް އިން އިޒްރޭލަށް ދިން ހަމަލާއަކީ އެގައުމުގެ ޔަހޫދީން ލަދުގަންނަވާލި ހަމަލާއެއްކަމުގައިވެސް ސަލާމީ ވިދާޅުވިއެވެ.
“ހަމާސްގެ އޮޕަރޭޝަނާ އެކު އިޒްރޭލުގެ ވެރިކަން ފުނޑުފުނޑުވެގެން ގޮސްފައިވާއިރު، އޭގެ ހަގީގީ ބަލިކަށިކަން އެންމެންނަށް ވެސް ވަނީ ހާމަވެފަ. މިއަދު ޒަޔަނިސްޓް ވެރިކަމުގެ ފޭކް އައިޑެންޓިޓީ ފުނޑުފުނޑުވެ، ހުސް ނާށިގަނޑެެއް ފިޔަވައި އޭގެ އެއްވެސް އެއްޗެއް ބާކީ ނުވޭ،" އޭނާ އިތުރަށް ވިދާޅުވި އެވެ.
އިޒްރޭލުންދޭ ހަމަލާތަކުގެ ސަބަބުން މިހާތަނަށް ޣައްޒާއިން ވަނީ 3000 އަށް ވުރެގިނަ މީހުން ޝަހީދުކޮށްލާފައެވެ. މީގެތެރޭގައި ގިނައީ ކުޑަކުދިންނާއި އަންހެނުންނެވެ.
