ފަލަސްތީނާ ގުޅޭ ގައުމީ ހަރަކާތެއް އޮތުން ވަރަށް މުހިއްމުު ކަމަށް ކުރީގެ އިސްލާމިކް މިނިސްޓަރ ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
ޑރ ޝަހީމު މިހެން ވިދާޅުވީ އެމަނިކުފާނު ކުރެއްވި ޓްވީޓެއްގައެވެ. މީގެ އިތުރަށް ޝަހީމް ވިދާޅުވެފައިވަނީ ޚިޔާލު ތަފާތުވުންތައް އެއް ފަރާތްކޮށް ލީޑަރުން ހިމެނޭހެން ފަލަޞްޠީނާ ގުޅޭ ކަންކަމުގައި ޙަރަކާތްތެރިވާނެ (ޤައުމީ ޙަރަކާތެއް) މިވަގުތު ރާއްޖޭގައި އޮތުން ވަރަށް މުހިންމު ކަމަށެވެ.
"އިސްލާމީ އުންމަތް ހިތްދަތިވަގުތަކާ ކުރިމަތިލަމުންދާއިރު މިކަމާމެދު ސަފުތައް އެއްބައިވަންތަވުން ވަރަށް މުހިންމު" ޑރ ޝަހީމް ވިދާޅުވެފައިވެއެވެ.
އިޒްރޭލުން ޣައްޒާ އަށް ދެމުންދާ ލާއިންސާނީ ހަމަލާތަކުގެ ސަބަބުން ފަލަސްޠީންގެ އެތައް ބަޔަކު އަންނަނީ ޝަހީދުވަމުންނެވެ. ރޭވެސް އިޒްރޭލުންވަނީ ޣައްޒާގައި ހުންނަ ހޮސްޕިޓަލަކަށް ނުރައްކާތެރި ހަމަލާއެއްދީ ގިނަ ބަޔަކު ޝަހީދު ކޮށްލައިފައެވެ.
