ގއ. ދާންދޫން އެއް އަހަރުގެ ފިރިހެން ކުއްޖަކު ކޮވިޑަށް ޕޮޒިޓިވްވެއްޖެއެވެ.
ދާންދޫ ކައުންސިލުން ބުނީ އެ ކުއްޖާ ކޮވިޑަށް ޕޮޒިޓިވް ވެފައިވަނީ އިއްޔެގެ ވަގުތެއްގައި ކަމަށެވެ. އެ ކުއްޖާ މިހާރު ވަނީ ގއ. ވިލިނގިލި ކޮވިޑް ފެސިލިޓީއަށް ބަދަލުކޮށްފައެވެ.
ގއ.ކޮވިޑް ފެސިލިޓީގައި އަންނަނީ ދާންދޫން ޕޮޒިޓިވްވި އުމުރުން 20 އަހަރުގެ އަންހެނަކަށާއި، 66 އަހަރުގެ އަންހެނަކަށް ވެސް ފަރުވާދެމުންނެވެ.
ދާންދޫއިން އިތުރު ކޭސްތަކެއް ފެނުމާއިއެކު އެރަށު އެކްޓިވް ކޭސްތަކުގެ އަދަދު މިހާރު ވަނީ 9 އަކަށް އަރާފައެވެ.
