ކުރިއަށް އޮތް އަހަރު ބާއްވާ ރައްޔިތުންގެ މަޖިލިސް އިންތިހާބުގައި ވާދަކުރައްވަން ނިންމަވާފައިވާކަން ކުރީގެ ފިލްމީ ތަރި އަޙްމަދު ލަތީފް ހާމަކުރައްވައިފިއެވެ.
މިކަން ހާމަކުރައްވައި ލަތީފް ވަނީ އެކްސްޕޯސްޓެއް ކުރައްވާފައެވެ.
ލަޠީފް ވާދަކުރައްވަން ނިންމަވާފައިވަނީ 20 ވަނަ މަޖިލީހަށް އަލަށް އިތުރުކޮށްފައިވާ ދާއިރާ ހުޅުމާލެ އުތުރު ދާއިރާގެ ގޮނޑިއަށެވެ.
"2024 ވަނަ އަހަރު ބާއްވާ ރައްޔިތުންގެ މަޖިލިސް އިންތިޚާބުގައި ހުޅުމާލެ އުތުރު ދާއިރާގެ މަޖިލިސް ގޮނޑިއަށް ޕީޕީއެމް ޕީއެންސީގެ ކެންޑިޑޭޓެއްގެ ގޮތުގައި ވާދަކުރަން ޝައުގުވެރިވާ ވާހަކަ ދާއިރާގެ ލޮބުވެތި ރައްޔިތުންގެ މައުލޫމާތަށްޓަކައި ދެންނެވީމެވެ." ލަތީފް ޕޯސްޓެއްގައި ހާމަކުރައްވާފައިވެއެވެ.
ލަޠީފް ވަނީ ދާއިރާގެ ރައްޔިތުންގެ ތާއީދަށް އެދިވަޑައިގެންފައެވެ.
