ޣައްޒާ ދިފާއު ކުރުމުގައި އެއްގަމު މަގުން ހަނގުރާމަ ކުރަމުން އަންނަ ފަލަސްތީނުގެ ހިތްވަރުގަދަ މުޖާހިދުންގެ ހަމަލާތަކުގައި އިޒްރޭލް ކޮމާންޑަަރަކު މަރާލައިިފި މިއަދު މަރާލައިފިއެވެ.
މަރާލާފައި ވަނީ ޔަހޫދީ ސިފައިންގެ 53 ވަނަ ބެޓްލަންގެ ކޮމާންޑަރ, ލެފްޓިނެންޓް ކާނަލް ސަލްމާން ހަބަކް،33، އެވެ. ކޮމާންޑަރު މަރާލާފައި ވަނީ ޣައްޒާގެ އުތުރުގައި ހަނގުރާމަ ކުރަމުން އަންނަ މުޖާހިދުންނެވެ.
މިއީ ދެތިން ދުވަސް ކުރިން ޣައްޒާއަށް ސަޔްހޫނީ އިޒްރޭލް ސިފައިން ވަދެގަތްފަހުން މިހާހަތަށް މަރާލި އެންމެ މަތީ ފަންތީގެ އޮފިސަރެވެ. މުޖާހިދުންގެ ހަމަލާތަކުގައި މިހާތަނަށް އިޒްރޭލް ސިފައިންގެ 18 މީހުން މަރުވެފައިވާ ކަމަށް އިޒްރޭލް އަސްކަރިއްޔާއިން ވަނީ އެއްބަސްވެފައެވެ.
ފަލަސްތީނާ ދެކޮޅަށް މިމަހުގެ 7 ވަނަ ދުވަހުން ފެށިގެން އެމެރިކާ އާއި ހުޅަނގުގެ ބާރުތަކުގެ ތާއީދު އޮވެގެން ޒަޔަނިސްޓް އިޒްރޭލުން ހިންގަމުން އަންނަ ގަތުލް އާންމުގައި ފަލަސްތީނުން 9،300 އަށްވުރެ ގިނަ މީހުން ވަނީ ޝަހީދު ކޮށްލާފައެވެ. އަދި ހައްޔަރު ކުރި މީހުންގެ އަދަދު 10،000 އަށްވުރެ މަތިވާނެ ކަމަށް ފަލަސްތީނުގެ އޮފިޝަލުން ވިދާޅުވެއެވެ.
