އިޒްރޭލުން ފަލަސްޓީނަށް ދެމުންދާ ލާއިންސާނީ އަމަލުތަކާއި ދެކޮޅަށް ޖިހާދު ކުރުމަށް ރާއްޖެއިން ތިން ދިވެއްސަކު ދިޔަކަމަށް ބުނަމުންދާ މައްސަލަ ނޭޝަނަލް ކައުންޓާ ޓެރެރިޒަމް ސެންޓަރުން ބަލަން ފަށައިފިއެވެ.
އަހްމަދު ފިރާޒް ނަމަކަށް ކިޔާ މީހެއްގެ ފޭސްބުކް އެކައުންޓުގައި ކޮށްފައިވާ ޕޯސްޓެއްގައި ބުނާގޮތުން ފަލަސްތީނައްޓަކައި ޖިހާދު ކުރުމަށް މިިހާރު ތިން ދިވެއްސަކު ވަނީ އުރުދުންއަށް އެތެރެވެފައެވެ. ނޭޝަނަލް ކައުންޓާ ޓެރެރިޒަމް ސެންޓަރުގެ ޑިރެކްޓަރ ޖެެނެރަލް ޒަކަރިއްޔާ މަންސޫރު މިއަދު "އަދަދު" ނޫހަށް މައުލޫމާތު ދެމުން ވިދާޅުވީ މިމައްސަލަ އެ އިިދާރާގެ ސަމާލުކަމަށް އައިސްފައިވާ ކަމަށެވެ. އަދި މިމަސައްލައިގެ ތެދު ދޮގުވެސް އަދި ވަކިކުރަން ދަތި ކަމައްވެސް މައުލޫމާތު ދެއެވެ.
ޒަކަރިއްޔާ ވަނީ މީގެ ކުރިން ޕަލަސްތީނަށް ދިވެއްސަކު ދިއުމުގެ މައްސަލައެއް ދިމާވެފައި ނުވާ ކަމަށް ވެސް ވިދާޅުވެފައެވެ.
ފޭސްބުކްގައި ކޮށްފައިވާ ޕޯސްޓަށް ގިނަބަޔަކު ދަނީ ތަރުހީބު ދެމުންނެވެ.
