މޯލްޑިވްސް ނެޝަނަލް ޔުނިވަރސިޓީ (އެމްއެންޔޫ) އިން އިންތިޒާމްކޮށްގެން މިއަހަރު ބާއްވާ ޖޮބް ފެސްޓިވަލް "ފަހި ފުރުސަތު" ގެ ނަމުގައި އިއްޔެ ފަށައިފިއެވެ.
މި ފެސްޓިވަލް ހުޅުއްވައިދެއްވާފައި ވަނީ މިނިސްޓަރ އޮފް ހަޔަރ އެޑިއުކޭޝަން ޑރ. އިބްރާހިމް ހަސަންއެވެ.
އެ ޔުނިވަރސިޓީން ބުނި ގޮތުގައި މި ޖޮބް ފެސްޓިވަލް ކުރިއަށްގެންދާނީ ދެ ދުވަހުގެ މުއްދަތަކަށެވެ. އެގޮތުން އިއްޔެ ފެށި މި ފެސްޓިވަލް މިއަދުވެސް ހަވީރު 4 އިން ރޭގަނޑު 10 އަކަށް ކުރިއަށް ގެންދާގޮތަށް ވަނީ ހަމަޖެހިފައެވެ.
މީގެއިތުރުން މި ފެސްޓިވަލަކީ އެ ޔުނިވަރސިޓީން ކިޔަވައިގެން ނިކުންނަ ދަރިވަރުންނަށް، ރާއްޖެއިން ލިބެން ހުރި ވަޒީފާގެ ފުރުސަތުތަކާއި ގުޅޭގޮތުން އެއް ތާކުން މައުލޫމާތު ފޯރުކޮށްދިނުމަށް ބާއްވާ ފެސްޓިވަލެއް ކަމަށްވެސް އެފަރާތުން ބުނެފައިވެއެވެ.
މި ފެސްޓިވަލްގައި މިފަހަރު 26 ފަރާތަކުން ބައިވެރިވެފައިވެއެވެ.
ފަހި ފުރުސަތު ފެށިގެން ކުރިޔަށް ދޭ ކޮންތާކު ކުރިޔައް ދަނީ