ފަލަސްތީނުގެ ހުޅަނގު އައްސޭރީގެ ތުލްކަރަމްގައި ބިނާ ކޮށްފައި ހުރި އެގައުމުގެ ކުރީގެ ރައީސް މަރްހޫމް ޔާސިރު އަރަފާތުގެ ހަނދާނުގައި ބިނާ ކޮށްފައިވާ މޮނިއުމަންޓް ޒަޔަނިސްޓް އިޒްރޭލުގެ ޓެރަރިސްޓް ސިފައިން މިއަދު ހަލާކު ކޮށްލައިފިއެވެ.
ބުލްޑޯޒާ ބޭނުންކޮށްގެން އަރަފާތުގެ މޮނިއުމަންޓް ބިމާ ހަމަކޮށްލުމުގެ ކުރިން އިޒްރޭލުން ދިިން ޓެރަރިސްޓް ހަމަލާތަކެއް ސަބަބުން ހުޅަނގު އައްސޭރިން ފަލަސްތީނުގެ 8 މީހުން ޝަހީދުވިއެވެ.
ތުލްކަރަމްގައި އިޒްރޭލުން ޓެރަރިސްޓް އަމަލުތައް ހިންގައި އެސަރަހައްދުން ފެނާއި ކަރަންޓް ވަނީ ކަނޑާލާފައެވެ. އަދި ފަލަސްތީން ރައްޔިތުން ދިރިއުޅޭ ގެތަކަށްވަދެ ފަލަސްތީނުގެ ރައްވެހިންނަށް ދަނީ ގޯނާ ކުރަމުންނެވެ.
