ކަރާޗީ (ޑިސެމްބަރު 3) - ޕާކިސްތާނުގެ އުތުރުގެ ޗިލާސް އަވަށުގެ ކައިރިން ދުއްވާފައި ދިޔަ ބަހަކަށް ހަތިޔާރު އެޅި ބަޔަކު ހަމަލާދިނުމުގެ ސަބަބުން 8 ފަސިންޖަރުން މަރުވެ 15 މީހުން ޒަޚަމްވެއްޖެއެވެ.
ޗިލާސް އަވަށުގެ ސަރަހައްދީ ސަރުކާރުގެ ތަރުޖަމާނު މުހައްމަދު އަލީ ޖޯހަރު ރޮއިޓަސްއަށް ވިދާޅުވީ ހޮނިހިރު ދުވަހުގެ ރޭ ހަނގުރާމަވެރިން ބަހަށް ބަޑީގެ ހަމަލާތަކެއް ދީފައިވާ ކަމަށާއި ޒަހަމްވި މީހުން ހޮސްޕިޓަލަށް ގެންގޮސްފައިވާ ކަމަށެވެ. މި ހަމަލާގެ ޒިންމާ އެއްވެސް ޖަމާއަތަކުން އަދި އުފުލާފައި ނުވާއިރު، ބަޑީގެ ހަމަލާ ދިން ސަބަބެއް ސާފު ނުވާ ކަމަށް ޖޯހަރު ވިދާޅުވެއެވެ.
ޕާކިސްތާނުގެ އެކި ސަރަހައްދުތަކަށް ދޭތެރެ ދޭތެރެއިން ހަނގުރާމަވެރިން އަބަދުވެސް ހަމަލާތައް ދެމުން ގެންދެއެވެ. މައިގަނޑު ގޮތެއްގައި ޕާކިސްތާނުގެ ތެރޭގައި ހަމަލާ ދެނީ އަފްގާނިސްތާނަށް ނިސްބަތްވާ ތާލިބާނުންނެވެ.
