މާލޭ ސިޓީގެ މޭޔަރަކު ހޮވުމަށް ބާއްވާ ބައި-އިލެކްޝަންގައި ވާދަ ކުރައްވާ ކެނޑިޑޭޓުންގެ ނަންތައް ތަރުތީބުކޮށް ގުރުއަތު ނަގައިފިއެވެ.
އަންނަ މަހުގެ 13 ވަނަ ދުވަހު މި ބައި-އިލެކްޝަން ބޭއްވުމަށް ނިންމާފައިވާއިރު، މި އިންތިހާބުގައި ފަސް ކެންޑިޑޭޓަކު ވާދަކުރައްވައެވެ. އަދި ކެންޑިޑޭޓުންގެ ނަންތައް ތަރުތީބު ކުރުމަށް ވަނީ ގުރުއަތުލާފައެވެ.
މާލެ ސިޓީ މޭޔަރު އިންތިހާބުގައި ނަންތައް ތަރުތީބު ކުރެވިފައިވާ ގޮތް:
- ކެންޑިޑޭޓް ނަމްބަރު 1: އަމިއްލަ ގޮތުން ޝުއައިބް އަލީ
- ކެންޑިޑޭޓް ނަމްބަރު 2: އަމިއްލަ ގޮތުން ކުރީގެ ޕޮލިސް ކޮމިޝަނަރު ހުސައިން ވަހީދު
- ކެންޑިޑޭޓް ނަމްބަރު 3: ޕީއެންސީގެ ޓިކެޓުގައި ކުރީގެ އެޓާނީ ޖެނެރަލް އާޒިމާ ޝަކޫރު
- ކެންޑިޑޭޓް ނަމްބަރު 4: އެމްޑީޕީގެ ޓިކެޓުގައި އެމްޓީސީސީގެ ކުރީގެ އެމްޑީ އާދަމް އާޒިމް
- ކެންޑިޑޭޓް ނަމްބަރު 5: ޑިމޮކްރެޓްސްގެ ޓިކެޓުގައި ސައިފް ފާތިހް
މޭޔަރުގެ މަގާމު ހުސްވެފައި ވަނީ އެ މަގާމުގައި ކުރިން ހުންނެވި ޑރ. މުއިއްޒު ރާއްޖޭގެ ރައީސް ކަމަށް އިންތިހާބުވެ ވަޑައިގަތުމާއި ގުޅިގެން، އެމަނިކުފާނު އެ މަގާމުން އިސްތިއުފާ ދެއްވުމުންނެވެ.
