ގއ. ވިލިނގިލީން މަހަށް ނިކުމު އުޅުން މީހަކު މަރުވެއްޖެއެވެ.
މިކަމާ ގުޅިގެން މީޑިޔާތަކަށް މައުލޫމާތު ދެމުން ފުލުހުންގެ މީޑިޔާ އޮފިސަލް ވިދާޅުވީ ރޭގައި 12:25 ހާއިރު ގއ ވިލިނގިލީން މަހަށް ނިކުމު އުޅުން މީހަކު ހާލަތު ދެރަ ވެގެން ގއ. ދާންދޫ ހެލްތް ސެންޓަރަށް ގެންދިޔަކަން ފުލުހުންނަށް ރިޕޯޓު ކުރެވިފައިވާކަމަށެވެ.
މީޑިޔާ އޮފިސަލް އިތުރަށް ފާހަގަ ކުރެއްވި ގޮތުގައި މަރުވެފައި ވަނީ ބަންގްލަދޭސްގެ 35 އަހަރުގެ ފިރިހެނެއް ކަމަށެވެ.
މިކަމާއި ގުޅިގެން ބަލަން ޖެހޭ ކަންކަން ބަލަމުންދާ ކަމަށް ފުލުހުންގެ މީޑިޔާ އޮފިސަލް އިތުރަށް ފަހަގަ ކުރެއްވިއެވެ.
