ފިޝަރީޒް މިނިސްޓަރ އަހުމަދު ޝިޔާމް ކާމިޔާބު ޒުވާން މަސްވެރިއެއް ކަމަށްވާ "ދަ ލައިފް އޮފް އަ ފިޝަމޭން 4076" ޔޫޓިއުބް ކޮންޓެންޓް ކްރިއޭޓަރ، އާދަމް ރަޝީދު އަށް މަރުހަބާއާއި ތަހުނިޔާ ވިދާޅުވެއްޖެއެވެ
އެޑަމް ވަނީ އޭނާގެ އެކްސް.ކޮމްގައި މިނިސްޓަރ ޝިޔާމަށް ޓެގް ކޮށްފައިވާ އެކްސްޕޯސްޓެއްގައި އޭނާއަށް ގުޅުއްވައި، މިނިސްޓަރ ތަހުނިޔާ އާއި މަރުޙަބާ ވިދާޅުވެލެއްވި ކަމީ ސަރުކާރުން އޭނާގެ މަސައްކަތް ބަލައިގަތްކަމުގެ ހެއްކެއް ކަމަށް ބުނެފައެވެ.
އެޑަމް ގެ ޔޫޓިއުބް އެކައުންޓް "ދަ ލައިފް އޮފް އަ ފިޝަމޭން 4076" އަށް އެއްލައްކަ ސަބްސްކްރައިބަރުން ހަމަވުމުން ޔޫޓިއުބުން ދޭ ސިލްވާ ޕްލޭ ބަޓަން ލިބުމާ ގުޅިގެން ފިޝަރީޒު މިނިސްޓަރ އަހުމަދު ޝިޔާމް ވަނީ އެކްސްޕޯސްޓެއް ކުރައްވާފައެވެ.
އެ ޕޯސްޓުގައި މިނިސްޓަރ ވިދާޅުވީ ދިވެހިރާއްޖޭގައި ކުރެވޭ މަސްވެރިކަމަކީ ތިމާވެއްޓާއި ރައްޓެހި ދެމެހެއްޓެނިވި ގޮތެއްގައި ކުރެވޭ މަސްވެރިކަމެއްކަން އެޑަމް (އާދަމް ރާޝިދު) ގެ ހިތްގައިމު ވީޑިއޯތަކުން ބޭރުދުނިޔެއަށް ޔަޤީންކޮށްދޭ ކަމަށާއި، ފަރުދީގޮތުން ތިޔަކޮށްދެއްވާ ޤައުމީ މަސައްކަތްޕުޅަކީ ޝުކުރު ޙައްޤު ފަޚުރުވެރިވާ މަސައްކަތްޕުޅުތަކެއް ކަމަށެވެ.
އެޑަމް އާ ދެކެވޭ ވާހަކަތަކުން ވީޑިއޯތައް އުފެއްދެވުމުގެ މަސައްކަތްޕުޅު ކުރެއްވުމުގައި ގޮންޖެހުންތަކެއް އެބަހުރިކަން ފާހަގަކުރެއްވޭކަމަށާއި އެކަންކަމަށް އަލިމަގެއް ހޯދައިދިނުމުގައި ވުޒާރާގެ ފުރިހަމަ އެއްބާރުލުން އަރުވާނެކަމަށްވެސް މިނިސްޓަރ ވިދާޅުވެފައިވެއެވެ.
"ވަރަށް ބޮޑަށް މަރުހަބާ! ދިވެހިރާއްޖޭގައި ކުރެވޭ މަސްވެރިކަމަކީ ތިމާވެއްޓާ ރައްޓެހި ދެމެހެއްޓެނިވި ގޮތެއްގައި ކުރެވޭ މަސްވެރިކަން އެޑަމްގެ ހިތްގައިމު ވީޑިއޯތަކުން ބޭރުދުނިޔެއަށް ޔަޤީންކޮށްދޭ. ފަރުދީ ގޮތުން ތިޔަކޮށްދެއްވާ ޤައުމީ މަސައްކަތްޕުޅަކީ ޝުކުރު ޙައްޤު ފަޚުރުވެރިވާ މަސައްކަތްޕުޅުތަކެއް. އެޑަމް އާ ދެކެވޭ ވާހަކަތަކުން ވީޑިއޯތައް އުފެއްދެވުމުގެ މަސައްކަތްޕުޅު ކުރެއްވުމުގައި ގޮންޖެހުންތަކެއް އެބަހުރި. އެކަންކަމަށް އަލިމަގެއް ހޯދައިދިނުމުގައި ވުޒާރާގެ ފުރިހަމަ އެއްބާރުލުން އަރުވާނަން."
އާދަމް ރާޝިދުގެ ޔޫޓިއުބް އެކައުންޓް "ދަ ލައިފް އޮފް އަ ފިޝަމޭން 4076" އަކީ މިހާތަނަށް ރާއްޖެއިން ޔޫޓިއުބްގެ ސިލްވަރ ބަޓަަން ހާސިލުކުރި ފުރަތަމ އެކައުންޓެވެ.
ފިސާރި ހިތްވަރެއްދެއްކި ސޮރެއް މީ، ރާއްޖޭގެ ނަން ފަހުރުވެރިކޮށްދީފި