ކުރިން ހީކުރި ވަރަށް ވުރެ މުހައްމަދު ސަލާހުގެ އިންޖަރީ ސީރިއަސް ކަމަށް އޭނާގެ އޭޖެންޓް ރާމީ އައްބާސް ބުނެފިއެވެ.
"އަހަރެމެން ފުރަތަމަ ހީކުރީ ދެތިން މެޗަށް ފަހު ސަލާހަށް އެނބުރި ކުޅުމަށް އާދެވޭނެ ކަމަށް. ނަމަވެސް ލިބިފައިވާ އިންޖަރީގެ ސީރިއަސް ކަމުން ދެން އެނބުރި ކުޅުމަށް އާދެވޭނީ ހަތަރު ވަރަކަށް ހަފުތާ ފަހުން" ސަލާހުގެ އިންޖަރީއާ ބެހޭގޮތުން ވާހަކަ ދައްކަމުން ރާމީ ބުންޏެވެ.
ސަލާހު އިންޖަރީވެފައިވަނީ މިދިޔާ ހުކުރު ދުވަހު އެފްރިކަން ކަޕް އޮފް ނޭޝަންސްގައި (އެފްކޮން) ގާނާއާ ދެ ކޮޅަށް ކުުޅުނު މެޗުގައެވެ.
ސަލާހުއަށް އެފްކޮންގައި އިތުރު މެޗެއް ކުޅެވުމުގެ ފުރުސަތު ވަރަށް ހަނިކަމަށް ރާމީ ވަނީ ހާމަކޮށްފައެވެ. ނަމަވެސް އިންޖަރީ އިން ރަނގަޅުވުމުން ވީހާ ވެސް އަވަހަކަށް ޓީމުގެ ފަރިތަކުރުން ތަކުގައި ބައިވެރިވާނެ ކަމުގެ ޔަގީންކަން ރާމީ ދެއްވިއެވެ.
