ދ. ކުޑަހުވަދޫއަށް ބޯކޮށް ވާރޭ ވެހުމުގެ ސަބަބުން އެރަށުގެ ބައެއް ސަރަހައްދުތަކުގައި ފެން ބޮޑުވެއްޖެ އެވެ.
އެމްއެންޑީއެފްއިން ބުނެފައިވަނީ ކުޑަހުވަދޫއަށް ރޭގައި ކުރި ވިއްސާރައިގައި އެރަށުގެ ބައެއް ސަރަހައްދުތަކުގައި ފެން ބޮޑުވުމާއި، ގުޅިގެން، ފެން ހިއްކުމުގައި އެމްއެންޑީއެފް ސެންޓްރަލް އޭރިޔާ ކޮމާންޑް ކުޑަހުވަދޫ ޕޯސްޓުގެ ސިފައިން ކުރަމުންދާކަމަށެވެ.
ބޯކޮށް ވާރެވެހުމާއިއެކު ގުގުރާނެ ކަމަށް ލަފާކޮށް އެ ސަރަހައްދަށް މޫސުމާބެހޭ އިދާރާއިން އޮތީ ފަތިހުވެސް ވައިޓް އެލާޓެއް ނެރެފަ އެވެ. ދާލު އަތޮޅު ހިމެނޭ ގޮތަށް ރޭ ފަތިހު 5:00 އިން މިއަދު ހެނދުނު 9:00 އަށް ވައިޓް އެލާޓް ނެރެފައި ވަނީ އދ. އަތޮޅުން ފެށިގެން ލާމު އަތޮޅަށެވެ.
