މާލޭސިޓީ މަގެއްގެ މަތިން ޚަބަރު ހުސްވެފައި އޮތް މީހަކު ފެނިއްޖެއެވެ.
ނީލޯފަރު މަގު ގޯޅިގަނޑެއްގައި މީހަކު ޚަބަރު ހުސްވެފައި އޮތް ކަމަށް މިއަދު ފަތިހު 5:27 ހާއިރު ފުލުހުންނަށް ރިޕޯޓް ކޮށްފައިވާ ކަމަށާއި އެމީހާ އައިޖީއެމްއެޗަށް ގެންގޮސް ފަރުވާދެމުން އަންނަކަމަށް ފުލުހުން މައުލޫމާތުދެއެވެ.
ފުލުހުން ބުނީ އެއީ 32 އަހަރުގެ ދިވެހި ފިރިހެނެއް ކަމަށެވެ.
މީގެ އިތުރުން މި މައްސަލައާ ގުޅިގެން ބަލަންޖެހޭ ކަންކަން ބަލަމުން އަންނަކަމަށް ވެސް ފުލުހުން ވިދާޅުވެއެވެ.
ވައްކަމެއް ކޮށްގެން ފުލުހުންނަށް ފިލުމަށް އެ ހިސާބުގެ އިމާރާތެއްގެ މަތި ފަންގިފިލާއަށް މި މީހާ އަރައި އުޅުމުގެ ތެރޭގައި ފަސް ވަނަ ފަންގިފިލާއިން ވެއްޓުނީ ކަމަށްވެސް ބައެއް ފަރާތްތަކުން. ވަނީ ބުނެފަ އެެވެ.
އެހެންނަމަވެސް ރަސްމީ އެއްވެސް އިދާރާއަކުން އެކަން ޔަގީންވާ ފަދަ ބަހެއް ހާމަކޮށްފައެއް ނުވެއެވެ
ފުލުހުން ދަނީ މިމައްސަލަ އިތުރަށް ތަހުގީގު ކުރަމުންނެވެ.
