ޕާކިސްތާން ޕީޕަލްސް ޕާޓީ (ޕީޕީޕީ)ގެ ކޯ ލީޑަރު އާސިފް އަލީ ޒަރުދާރީ އެގައުމުގެ ރައީސް ކަމަށް އިންތިހާބުކޮށްފި ކަމަސް ޑޯން ނޫހުން ބުނެފި އެވެ.
ރިޔާސީ އިންތިހާބުގައި ޒަރުދާރީއަށް އިލެކްޓޯރަލް ކޮލެޖުގެ 411 ވޯޓު ލިބިވަޑައިގެންނެވި އެވެ. އޭނާގެ ވާދަވެރިޔާ މަޙްމޫދު ޚާން އަޗަކްޒައިއަށް ލިބުނީ 181 ވޯޓެވެ.
ރިޔާސީ އިންތިޚާބު ބާއްވަނީ މާރޗް މަހުގެ 9 ވަނަ ދުވަހުއެވެ. ޕާކިސްތާނުގެ ޤާނޫނު އަސާސީއާ އެއްގޮތަށް ރިޔާސީ އިންތިޚާބު ބާއްވަނީ މަޖިލިސް އިންތިޚާބަށް އެއް މަސް ފަހުން ނުވަތަ މިހާރުގެ ރައީސްގެ ބާރު ހަމަވުމުގެ އެއް މަސް ކުރިންނެވެ. ފެބްރުއަރީ 8 ވަނަ ދުވަހު ޕާކިސްތާނުން ވަނީ ޤައުމީ މަޖިލިސް (މަޖިލިހުގެ ދަށު ގެ) އިންތިޚާބުކޮށްފައެވެ. ޕާކިސްތާން މުސްލިމް ލީގު ޕާޓީއަށް އަށް 75 ގޮނޑި އަދި ޕާކިސްތާން ޕީޕަލްސް ޕާޓީ އަށް 54 ގޮނޑި ލިބިފައިވެއެވެ. ދެ ޕާޓީން ވެސް އެއްބަސްވީ ކޯލިޝަން ހެދުމަށެވެ. އިދިކޮޅު ފަރާތްތައް ތަމްސީލު ކުރަނީ ސުންނީ އިއްތިހާދު ޔުނައިޓެޑް ކައުންސިލް ކަމަށާއި ފެބްރުއަރީ މަހުގެ މެދުތެރޭގައި ޕާކިސްތާން މޫވްމަންޓް ފޯ ޖަސްޓިސް އިން ތާއީދުކުރާ ގިނަ އަދަދެއްގެ މިނިވަން ކެންޑިޑޭޓުން ބައިވެރިވި ކަމަށެވެ.
މާޗް 3 ވަނަ ދުވަހު ޕާކިސްތާނުގެ އައު ބޮޑުވަޒީރަކަށް ޕީއެމްއެލް-އެންގެ ލީޑަރު ޑރ.ޝެހްބާޒް ޝަރީފް އިންތިޚާބުވެވަޑައިގެންނެވިއެވެ.
