އދ. އޮމަދޫގައި ހިނގި ހަމަނުޖެހުމެއްގައި ކުޑަ ކުއްޖަކަށް ސީރިއަސް އަނިޔާތަކެއް ވެއްޖެ އެވެ.
ފުލުހުން ބުނީ އިއްޔެ 18:10 ހާއިރު އެރަށު ދަނޑުމަތީގައި ކުޅެން އުޅުނު ކުދިބައެއްގެ މެދުގައި ހިނގި ހަމަނުޖެހުމެއްގައި 18 އަހަރުން ދަށުގެ ކުއްޖަކަށް އަނިޔާވެގެން މާލެ ގެނެސްފައިވާ ކަމަށެވެ.
އެ ކުއްޖާއަށް ފަރުވާދެމުން ދަނީ އައިޖީއެމްއެޗްގައެވެ.
މި ކުއްޖާއަށް ސީރިއަސް އަނިޔާތަކެއް ލިބިފައިވާކަމުގެ މަޢުލޫމާތު ލިބިފައިވީ ނަމަވެސް، އައިޖީއެމް ހޮސްޕިޓަލްގެ ބަހެއް ނުލިބޭތީ އެ ކުއްޖާގެ ހާލު ކަށަވަރު ކުރެވޭގޮތް ވަނީ ނުވެފައެވެ.
