ފެނަކަ ކޯޕަރޭޝަނުން ތ.ގުރައިދޫގައި ކުރިން ބޭނުން ކުރުމުން ދިއަ ޑިސްޓްރިބިއުޝަން ޕެނަލް އަޕްގެރޭޑްކޮށްފިއެވެ.
ފެނަކައިން މިއަދު އެކްސްގައި ކުރެއްވި ޕޯސްޓެއްގައި މައުލޫމާތު ދެމުން ވިދާޅުވީ އޭޝިއަން ޑެވެލޮޕްމެންޓް ބޭންކް ގެ އެހީގައި ކުރިޔަށްގެންދާ ޕްރިޕެއަރިންގ އައުޓަރ އައިލޭންޑް ފޮރ ސަސްޓެއިނަބްލް އެނަރޖީ ޑެވެލޮޕްމެންޓް(ޕޮއިސްޑް) ގެ ދަށުން ތ.ގުރައިދޫގައި ކުރިން ބޭނުން ކުރުމުން ދިއަ ޑިސްޓްރިބިއުޝަން ޕެނަލް އަޕްގެރޭޑްކޮށްފިކަމަށެވެ. އަދި މިހާރު އިންސްޓޯލް ކުރެވިފައިވަނީ 8000 އެމްޕައަރުގެ ލޯ ވޯލްޓޭޖް ޑިސްޓްރިބިއުޝަން ޕެނަލެއް ކަމަށެވެ. އަދި މުޅި ރަށައް މިހާރު ވަނީ ކަރަންޓު ދެވިފައި ކަމަށްވެސް ފެނަކައިން މައުލޫމާތު ދެއެވެ.
މީގެއިތުރުން މިމަހުގެ 21 ވަނަ ދުވަހު ފެނަކައިގެ މުވައްޒަފުން ވަނީ ނ. ވެލިދޫ މަގު ހެދުމުގެ މަޝްރޫއުގައި އަލަށް ހަރުކުރެވޭ މަގު ބައްތިތަކަށް އަޅަންޖެހޭ ކަނެކްޝަން އެޅުމުގައި އެހީތެރިކަން ފޯރުކޮށްދީފައެވެ. ފެނަކައިން ވިދާޅުވީ އެ ކުންފުންޏަކީ ޓެކްނިކަލް ދާއިރާތަކުން ބޭނުންވާ އެހީ ފޯރުކޮށްދިނުމުގައި އަބަދުވެސް ކުރީ ސަފުގަައި ހަރަކާތްތެރިވާނެ ކުންފުންޏެއްކަމަށެވެ.
