ފުވައްމުލަކު ސިޓީގެ ބަންޑާރަކިޅި ސާފުކުރުމުގެ ޕްރޮގްރާމްގައި އެމްއެންޑީއެފް އިން ބައިވެރިވެއްޖެއެވެ.
ފުވައްމުލަކު ސިޓީގެ ބަންޑާރަކިޅި ސާފުކުރުމަށް، އެ ސިޓީ ކައުންސިލުން ކުރިއަށްގެންދާ ސާފުކުރުމުގެ ޕްރޮގްރާމްގައި އެމްއެންޑީއެފް ސަދަން އޭރިއާ ކޮމާންޑުގެ ސިފައިން ބައިވެރިވެއްޖެއެވެ. ފުވައްމުލަކު ސިޓީގެ އެންމެ ބޮޑު ކުޅި ކަމުގައިވާ ބަންޑާރަކިޅި ސާފުކުރުމަށް ކުރިއަށްގެންދާ މި ޕްރޮގްރާމަކީ އެ ސިޓީގެ ސަރުކާރު މުއައްސަސާތަކާ ގުޅިގެން ސިޓީ ކައުންސިލުން ކުރިއަށްގެންދާ ޕްރޮގްރާމެކެވެ.
މީގެއިތުރުން އެމްއެންޑީއެފުގެ ސަދަން އޭރިއާ ކޮމާންޑުން ވަނީ ވިއްސާރައިގައި އައްޑޫ ސިޓީއަށް ބޯކޮށް ވާރޭވެހި، އައްޑޫ ސިޓީ ފޭދޫގެ ބައެއް މަގުތަކުގައި ފެން ބޮޑުވުމުން، ފެން ހިންދުމުގައި ވެސް ބައިވެރިވެފައެވެ.
