އެމްޓީސީސީ ބަސް ފީ ދެއްކުމަށް އެމެރިކަން އެކްސްޕރެސް ކާޑު ބޭނުންކުރެވޭ ގޮތް ހަމަޖައްސައިފިއެވެ.
އެމްޓީސީސީގެ އާންމު ދަތުރުފަތުރުގެ ހިދުމަތްތައް އެންމެންނަށް ފަސޭހައިން ލިބޭނެ ގޮތް ހެދުމަށް އެ ކުންފުނިން ކުރަމުންދާ މަސައްކަތުގެ ތެރެއިން 'ޓެޕް އެންޑް ގޯ' ފީޗާއިން މިހާރު ގްރޭޓަރ މާލޭ އޭރިއާގައި ކޮންޓެކްޓްލެސް އެމެރިކަން އެކްސްޕްރެސް ޑެބިޓް އަދި ކްރެޑިޓް ކާޑުތަކަށް ބޭނުންކުރެވޭ ގޮތް ހަމަޖައްސައިފިއެވެ. އެމްޓީސީސީއިން މިއަދު ކުރި އިއުލާޏުގައި އެކުންފުނިން ވިދާޅުވީ ކަސްޓަމަރުންނަށް މިހާރު ފަސޭހައިން ވިސާ، މާސްޓަރކާޑް، ނުވަތަ އެމެކްސް ކޮންޓެކްޓްލެސް ކާޑުން ޓެޕްކޮށްގެން އެ ކުންފުނީގެ އާރުޓީއެލް ބަސް ހިދުމަތާއި ގްރޭޓަރ މާލޭ ފެރީ ހިދުމަތަށް ފައިސާ ދެއްކޭނެއެވެ.
