ފެނަކަ މެނޭޖިން ޑިރެކްޓަރު މުއާޒު މުހައްމަދު ރަޝީދު ހދ.އަތޮޅު ކައުންސިލާއި ބައްދަލު ކުރައްވައިފިއެވެ.
މެނޭޖިންގ ޑިރެކްޓަރ މުޢާޒް މުޙައްމަދު ރަޝީދު އަދި ފެނަކަ ކުންފުނީގެ އިސްވެރިން، ހދ.އަތޮޅު ކައުންސިލްއާ ބައްދަލުކުރެއްވައިފިއެވެ. މި ބައްދަލުވުމުގައި ކައުންސިލާ ގުޅިގެން ރަށްތަކުގައި ދެވޭ ޚިދުމަތްތައް ރަނގަޅު ކުރުމާއި ގުޅޭގޮތުން މަޝްވަރާ ކުރެއްވިއެވެ. މީގެއިތުރުން މުއާޒު ވަނީ ހިތަދޫ ދާއިރާގެ މެންބަރު މުޙައްމަދު ސިރުހާންއާ ބައްދަލުކުރައްވާފައެވެ. އަދި މި ބައްދަލުވުމުގައި ދާއިރާގެ ރަށްތަކުގައި ދެވޭ ޚިދުމަތްތަކާއި ގުޅޭގޮތުން މަޝްވަރާ ކުރެއްވާފައިވެއެވެ.
ފެނަކައިން ރާއްޖޭގެ އެކިހިސާޞުތަކުގެ އިސްވެރިންނާއި ބައްދަލު ކުރައްވަމުން ގެންދާއިރު، އިއްޔެ ކުޑަހުވަދޫ ދާއިރާގެ މެންބަރު ޙުސައިން ޙަމީދު އަދި ކުރެންދޫ ދާއިރާގެ މެންބަރު މުޙައްމަދު ޝާމިން ޙަބީބްއާ ވެސް މުއާޒުވަނީ ބައްދަލު ކުރައްވާފައެވެ. އަދި މި ބައްދަލުވުމުގައި ދާއިރާގެ ރަށްތަކުގައި ދެވޭ ޚިދުމަތް ރަނގަޅު ކުރުމަށް ބޭނުންވާ ކަންތައްތަކާއި ގުޅޭގޮތުން މަޝްވަރާ ކުރެއްވާފައިވެއެވެ.
