ގދ. ފިޔޯރީ ސްކޫލުގެ ދަރިވަރުންގެ ބެލެނިވެރިންނަށް އަމާޒުކޮށްގެން ނަފްސާނީ ދުޅަހެޔޮކަމާ ބެހޭ ގޮތުން މައުލޫމާތި ދިނުމުގެ ސެޝަނެއް ޕޮލިހުން ކުރިއަށް ގެންގޮސްފިއެވެ.
ގދ. ފިޔޯރީގައި ކުރިއަށް ގެންދިޔަ މި ސެޝަނަކީ މަޑަވެލި ޕޮލިސް ސްޓޭޝަނާއި ފިޔޯރީ ޕޮލިސް ސްޓޭޝަނުން ގުޅިގެން ކުރިއަށް ގެންދިޔަ ސެޝަނެކެވެ. މި ސެޝަނުގައި މައުލޫމާތު ދެއްވީ ޑރ. އައިޝަތު އަލީ ނާޒްއެވެ.
ފުލުހުން ކުރިއަށް ގެންދިޔަ މި ސެޝަނުގައި ވަނީ, ހެޔޮލަދާ ދަރިން ތަރުބިއްޔަތު ކުރުމުގައި ނަފްސާނީ ދުޅަހެޔޮކަމުގެ މުހިއްމު ކަމުގެ މައްޗަށް އަލި އަޅުވާލާފައެވެ. ދަރިންގެ އަހުލާގަށް އަންނަ ނޭދެވޭ ބަދަލުތައް ފާހަގަކޮށް, އެ ކަންކަމާ މެދު އަޅަންޖެހޭ އެންމެ އެކަށީގެންވާ ފިޔަވަޅުތަކާ ބެހޭ ގޮތުން ބެލެނިވެރިންނަށް މި ސެޝަނުގައި ވަނީ މައުލޫމާތު ދީފައެވެ.
ފުލުހުންގެ މި ސެޝަނުގައި ފިޔޯރީ ސްކޫލުގެ 68 ބެލެނިވެރިން ވަނީ ބައިވެރިވެފައެވެ.
(މައުލޫމާތު / ފޮޓޯ: މޯލްޑިވްސް ޕޮލިސް ސާވިސް)
