ޣައްޒާގެ އުތުރުގައި ހުންނަ ހަމާސް ޖަމާއަތުގެ ސިޔާސީ ލީޑަރު އިސްމާއިލް ހަނިއްޔާގެ އާއިލީ ގެއަށް އިސްރާއީލުގެ އަސްކަރިއްޔާއިން ވައިގެ ހަމަލާއެއް ދީފިއެވެ.
އަލްޖަޒީރާ އަރަބިކް އިން ބުނި ގޮތުގައި މި ހަމަލާގެ ސަބަބުން ހަނިއްޔާގެ ކޮއްކޮގެ އިތުރުން ދިހަ މީހަކު ވަނީ ޝަހީދުވެފައެވެ.
މި ހަމަލާގައި ޝަހީދުވި އެންމެންނަކީ ވެސް ހަނިއްޔާ އާއިލާއަށް ނިސްބަތްވާ މީހުން ކަން އޯކަލް މީޑިއާއިން ވަނީ ކަށަވަރުކޮށްދީފައެވެ. މި ބޮމުގެ ހަމަލާއަކީ ދާދި ފަހުން ޣައްޒާ ސިޓީ ކައިރީގައި އޮންނަ ޝާޓީ ކޭމްޕް ސަރަހައްދުގައި އިސްރާއީލުގެ އަސްކަރިއްޔާއިން ދިން ހަމަލާއަކާ ދިން ބޮމުގެ ހަމަލާއެކެވެ.
މީގެ ކުރިން ޣައްޒާއިން ރިޕޯޓްކޮށްފައިވާ ގޮތުގައި އިސްރާއީލުގެ އަސްކަރިއްޔާއިން ވަނީ ބީޗް ކޭމްޕް ސަރަހައްދުގައި ގެދޮރު ގެއްލިފައިވާ ފަލަސްތީނު މީހުންގެ ހިޔާ ކަމަށްވާ އދ. ގެ ރިލީފް އެންޑް ވޯކްސް އެޖެންސީ (ޔޫއެންއާރްޑަބްލިއުއޭ) ގެ އަސްމާ ސްކޫލަށް ވެސް ހަމަލާދީފައެވެ. މި ހަމަލާގައި ފަސް މީހަކު ވަނީ ޝަހީދުވެފައެވެ.
އިސްރާއީލުން މިއަދު ފަތިހު ޣައްޒާގެ އެކި ސަރަހައްދުތަ ދޭންފެށި ހަމަލާތަކުގައި މިހާތަނަށް 16 މީހުން ޝަހީދުވެފައިވާކަން ކަށަވަރުކުރެވެއެވެ. ގެއްލުންލިބުނު އަމާޒުތަކުގެ ތެރޭގައި ޣައްޒާ ސިޓީގައި ހުންނަ ޔޫއެންއާރުޑަބްލިއުއޭގެ ދެ ހިޔާއެއްވެސް ހިމެނެއެވެ.
އިސްރާއީލުގެ އަސްކަރިއްޔާއިން ވަނީ މިޢީ ހަމާސްގެ އުމްރާނީ ވަސީލަތްތަކާއި ލީޑަޝިޕް ނައްތާލުމުގެ މަގްސަދުގައި ދޭ ހަމަލާތަކެއް ކަމަށް ބުނެ އެ އަމަލުތައްދިފާއުކޮށްފައެވެ.
ހަމަނުޖެހުންތައް އިތުރުވަމުންދާއިރު، ޣައްޒާގެ އިންސާނީ ޙާލަތު އިތުރަށް ގޯސްވެ، އެތައް ރައްޔިތުންނެއް ގެދޮރު ގެއްލުމާއި، އާއިލާ މީހުން ގެއްލި މަރުވެފައިވާކަން ފާހަގަކުރެވެއެވެ. ބައިނަލްއަގްވާމީ މުޖުތަމައުން ދަނީ މިހާރުން މިހާރަށް ހަނގުރާމަ ހުއްޓާލާ، ސުލްހަވެރި ހައްލެއް ގެނައުމަށް ގޮވާލަމުންނެވެ.
