1446 ވަނަ އަހަރުގެ ހިޖުރީ އައު އަހަރު ފެށޭ ދުވަހަށް އެއްވެސް ބަދަލެއް ނާންނާނެ ކަމަށް އިސްލާމިކް މިނިސްޓްރީން ވިދާޅުވެއްޖެއެވެ.
އެ މިނިސްޓްރީން މިހެން ވިދާޅުވީ 1446 ވަނަ އަހަރުގެ މުޙައްރަމް މަސް ފެށޭ ދުވަހާ ގުޅޭގޮތުން އެކްސްގައި ކޮށްފައިވާ ޕޯސްޓެއްގައެވެ.
މިނިސްޓްރީން އިތުރަށް ވިދާޅުވެފައިވަނީ ސައުދީ އަރަބިއްޔާއާއި ރާއްޖެއާ އަރަފާތްދުވަސް އެއްގޮތް ކުރުމަށްޓަކައި ހައްޖުމަހު ކަލަންޑަރަށް ބަދަލުގެނައި ނަމަވެސް ހިޖުރީ އައު އަހަރު ފެށޭ ދުވަހަށް ބަދަލު ނާންނަކަމަށެވެ.
އެގޮތުން މިހިނގާ މިމަހު 6 ވަނަ ދުވަހަކީ 1445 ވަނަ އަހަރުގެ ޛުލްޙިއްޖާ މަހުގެ 30 ވަނަ ދުވަސް ކަމަށާއި، މިހާރުވެސް އިސްލާމިކް މިނިޓްރީގެ ކަލަންޑަރުގައި ފަދައިން 1 މުޙައްރަމް 1446 ވާ ދުވަހަކީ މިޖުލައި މަހުގެ 7 ވަނަ ދުވަސްކަމަށާއި ކަލަންޑަރަށް އެއްވެސް ބަދަލެއް ގެންނަން ނުޖެހޭކަމަށްވެސް މިނިސްޓްރީގެ ޕޯސްޓްގައި ވިދާޅުވެފައިވެއެވެ.
