މި ޖުލައިމަހުގެ 7 ވަނަ ދުވަސް ކުރިންވެސް ކަނޑައެޅިފައިވާ ގޮތަށް ސަރުކާރު ބަންދު ދުވަހެއް ކަމަށް ރައީސުލްޖުމްހޫރިއްޔާގެ އޮފީހުގެ ތަރުޖަމާނު ހީނާ ވަލީދު ވިދާޅުވެއްޖެއެވެ.
ހީނާ މިހެން ވިދާޅުވީ އެކްސްގައި ކޮށްފައިވާ ޕޯސްޓެއްގައެވެ.
އެ ޕޯސްޓްގައި ހީނާ ވިދާޅުވީ ހިޖްރީ އާ އަހަރުގެ ފުރަތަމަ ދުވަސް ކަމަށްވާ މުހައްރަމް މަހުގެ 1 ވަނަ ދުވަސް ކުރިންވެސް ކަނޑައެޅިފައިވާ ގޮތަށް ބަންދުވާނެ ކަމަށާއި ކަލަންޑަރުގައި ވެސް އެ ދުވަސް އޮތީ ބަންދު ދުވަހެއްގެ ގޮތުގައި ކަމަށެވެ.
މުހައްރަމް މަހުގެ 1 ވަނަ ދުވަހަކީ ކުރިންވެސް ސަރުކާރު ބަންދު ދުވަހެއްގެ ގޮތުގައި ކަނޑައެޅިފައިވާ ދުވަހެކެވެ.
