ށ. ވަނގާރުން ފުރައިގެން މާލެ ދަތުރުކުރި "ނަސްފަރު" ނަމަކަށް ކިޔާ ދޯންޏެއް ރޭ ފަރަށް އަރައި ދިޔަވެއްޖެއެވެ.
އެކްސްގައި ކުރި ޕޯސްޓެއްގައި އެމްއެންޑީއެފްއިން ވިދާޅުވީ ވަނގާރުން މާލެއަށް ދަތުރުކުރި މިދޯނީގައި 10 މީހަކު ތިބިކަމަށެވެ.
75 ފޫޓުގެ "ނަސްފަރު" ދޯނި ފަރަށް އަރާ، ދިޔަވީ ރޭ ދަންވަރުގެ ވަގުތެއްގައި ނ. ލޯފަރު ފަރަށް ކަމަށް އެމްއެންޑީއެފްއިން ވިދާޅުވިއެވެ. އަދި ފަރަށް އަރާ ދިޔަވަމުންދާތީ އެ ދޯންޏަށް އެހީތެރިކަން ފޯރުކޮށްދިނުމަށް އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑް ފަސްޓް ސްކޮޑްރަންއިން ހަރަކާތްތެރިވާން ފަށާފައިވާކަމަށްވެސް އެމްއެންޑީއެފްއިން ވިދާޅުވިއެވެ.
