ސެލީނިއަމްއަކީ އަޅުގަނޑުމެންގެ ސިއްޙަތަށް ވަރަށް މުހިންމު އެތައް ދައުރެއް އަދާކުރާ ނުހަނު މުހިންމު މައުދަނީ މާއްދާއެއް ނުވަތަ މިނަރަލްއެކެވެ. މިއީ ހަށިގަނޑުގެ އެކި މުހިންމު މަސައްކަތްތަކަށް އެހީތެރިވާ މާއްދާއަކަށްވުމާއެކު، މީގެ މުހިންމުކަން ވަޒަންނުކުރެވޭހާ ބޮޑެވެ.
ސެލީނިއަމްއަކީ އެންޓިއޮކްސިޑެންޓް އަކަށްވެފައި، ތައިރޮއިޑްގެ މަސައްކަތާއި ދިފާއީ ނިޒާމުގެ ބާރުވެރިކަމާއި އަދި ދަރިމައިވުމުގެ ސިއްޙަތަށް މުހިންމު މިނަރަލްއެކެވެ.
ސެލީނިއަމްގެ ފައިދާތައް ހޯދުމަށްޓަކައި، ސެލީނިއަމް ގިނައިން އެކުލެވޭ ކާނާ ކެއުމަކީ މުހިންމު ކަމެކެވެ. ސެލީނިއަމް ގިނައިން އެކުލެވޭ ބައެއް ކާނާތަކަށް ބަލާލަމާތޯއެވެ.
ބްރެޒިލް ނަޓްސް: މިއީ ސެލީނިއަމް އެންމެ ގިނައިން އެކުލެވޭ އެއްޗެހީގެ ތެރެއިން އެއްޗެކެވެ. މަދު އަދަދެއްގެ ބްރެޒިލް ނަޓްސްއިން ދުވާލަކަށް ބޭނުންވާ މިންވަރުގެ ބޮޑު ބައެއް ލިބެއެވެ. މީގެ އިތުރުން މިއިން މުހިންމު ފެޓީ އެސިޑްތަކާއި މެގްނީޒިއަމް ފަދަ މިނަރަލްތައްވެސް ލިބެއެވެ.
މަސް: ކަނޑުމަސް، ހެލިބަޓް އަދި ސާޑިން ފަދަ މަހަކީ ސެލީނިއަމް އެކުލެވިގެންވާ ރަނގަޅު ކާނާއެކެވެ. މަހުން ފެންވަރު ރަނގަޅު ޕްރޮޓީނާއި އޯމެގާ-3 ފެޓީ އެސިޑްތައްވެސް ލިބެއެވެ.
ޝެލްފިޝް: އިތާ އަދި ޑިންގާ ގައި ސެލީނިއަމް ގިނައިން އެކުލެވެއެވެ. އަދި އެންޓިއޮކްސިޑެންޓް ދިފާއަށާއި ތައިރޮއިޑް ހޯމޯން އުފެއްދުމަށްވެސް އެހީތެރިވެދެއެވެ. މިއީ ކެލެރީ މަދު، އަދި މުހިންމު ވިޓަމިންތަކާއި މިނަރަލްތަކުން ފުރިގެންވާ ކާނާއެކެވެ.
ސަންފްލާވާ ސީޑްސް: ފަސޭހައިން ކެވޭ މި އޮށަކީ ސެލީނިއަމްގެ ހޯދަން ރަނގަޅު ކާނާއެކެވެ. މީގައި ހަށިގަނޑަށް ފައިދާހުރި ފެޓްސްއާއި ފައިބަރު އަދި ހިތުގެ ސިއްޙަތާއި ހަޖަމުކުރުމަށް އެހީވާ އެހެނިހެން ނިއުޓްރިއެންޓްސްވެސް އެކުލެވެއެވެ.
ބިސް: ބިހުގެ ގޮބޮޅި ހިމެނޭގޮތަށް ކައިފިނަމަ، ބިހަކީ ސެލީނިއަމް އެކުލެވޭ ރަނގަޅު ކާނާއެކެވެ. މީގެ އިތުރުން ފެންވަރު ރަނގަޅު ޕްރޮޓީނާއި، ވިޓަމިންތަކާއި، މިނަރަލްތައް ހިމެނޭ، ޖުމްލަ ގޮތެއްގައި ދުޅަހެޔޮ ސިއްހަތަކަށް މުހިންމު ކާނާއެކެވެ.
ކުކުޅު: ކުކުޅުގެ މަހުގައި އެންޓިއޮކްސިޑެންޓް ދިފާއަށާއި އިމިއުން ސިސްޓަމް ވަރުގަދަކުރުމަށް ސެލީނިއަމް އެކުލެވެއެވެ. އަދި މީގެ އިތުރުން މަސަލް ގްރޯތްއާށައި މަރާމާތު ކުރުމަށް ބޭނުންވާ އަމީނޯ އެސިޑްތައްވެސް ހިމެނެއެވެ.
މަޝްރޫމް: ބައެއް ބާވަތުގެ މަޝްރޫމްއަކީ ސެލީނިއަމް ހޯދުމަށް ވަރަށް ރަނގަޅު ކާނާއެކެވެ. މީގެ އިތުރުން އިމިއުން ސިސްޓަމް ވަރުގަދަކުރާ ބީޓާ-ގްލޫކަންސްއާއި އެހެނިހެން އެންޓިއޮކްސިޑެންޓްތައްވެސް މަޝްރޫމްގައި ހިމެނެއެވެ.
ހޯލް ގްރެއިންސް: ހަނޑޫ، ހާއްސަކޮށް ބްރައުން ރައިސް އަދި އޯޓްމީލްގައި ސެލީނިއަމްގެ އިތުރުން ފައިބަރާއި އެހެނިހެން މުހިންމު މާއްދާތައް ހިމެނެއެވެ. މިއީ ހަޖަމުކުރުމުގެ ނިޒާމު ދުޅަހެޔޮކަމާއެކު ބެހެއްޓުމަށާއި ދިގު މުއްދަތަކަށް ހަކަތަ ލިބިދިނުމަށް އެހީތެރިވާ ކާނާތަކެކެވެ.
ސްޕިނަޗް: ސެލީނިއަމްގެ އިތުރުން ވިޓަމިން ސީ އަދި ބީޓާ-ކެރޮޓީންފަދަ އެންޓިއޮކްސިޑެންޓްތައް ގިނައިން އެކުލެވޭ ސްޕިނަޗްއަކީ ލޮލުގެ ސިއްހަތާއި، ކަށީގެ ބާރުގަދަކަމާއި، އަދި އިމިއުން ސިސްޓަމް ވަރުގަދަކުރުމަށް އެހީތެރިވާ ކާނާއެކެވެ.
ޗިއާ ސީޑްސް: ނިއުޓްރިއެންޓް ގިނަ "ސުޕަރފުޑެ" އެއް ގޮތުގައި ބެލެވޭ ޗިއާ ސީޑްސްގައި ސެލީނިއަމްގެ އިތުރުން އޯމެގާ-3 ފެޓީ އެސިޑްތަކާއި ފައިބަރ ހިމެނެއެވެ. މިއީ ހިތުގެ ސިއްހަތު ރަނގަޅުކޮށް ހަޖަމުކުރުމުގެ ނިޒާމަށް އެހީތެރިވާ ކާނާއެކެވެ.
ސެލީނިއަމް ހަށިގަނޑަށް ލިބޭ މިންވަރު ހަމަހަމަކޮށް ބެހެއްޓުމަށްޓަކައި މި ކާނާތައް ކެއުމުގައި ގަވާއިދުން ހިމެނުމަށް ވިސްނާށެވެ. ބްރެޒިލް ނަޓްސް، މަސް، ސަންފްލާވާ ސީޑްސް ނުވަތަ ބިސް ކަމުގައި ވިޔަސް، މި ޗޮއިސްތަކުގެ ސަބަބުން މުޅި ސިއްހަތާއި ދުޅަހެޔޮކަމަށް ވަރަށް ބޮޑު އެހީތެރިކަމެއް ލިބިގެންދާނެ އެވެ.
