މަސްވެރިކަން ވަރަށް ބޮޑުތަން ދަށްވެފައިވާތީ މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) ގެ ފިހާރަތަކުގައި ކަނޑުމަހުގެ ބާވަތްތައް ހުސްވެއްޖެ ކަމަށް އެކުންފުނިން ބުނެފިއެވެ.
މިފްކޯއިން ބުނާގޮތުގައި މި ދަތިކަން ދިމާވެފައިވަނީ މިހާރު މަސްވެރިކަން ދަށްވެފައިވުމާއި މި ދުވަސްވަރު މަސްކިރާ އަދަދު މަދުވެފައިވާތީއެވެ. އަދި މިކަމާ ގުޅޭގޮތުން ޝަކުވާ ލިބެމުންދާ ކަމަށްވެސް މިފްކޯއިން ބުނެފައިވެއެވެ،
ދަޅުގައި ބަންދުކުރާ މަހުގެ ސަޕްލައިއަށް ލިމިޓެއް ނެތްނަމަވެސް، ކަޅުބިލަމަހުގެ އެހެން ބާވަތްތައް އުފެއްދޭނީ އެކަށީގެންވާ އަދަދަކަށް ކަޅުބިލަމަސް ލިބިގެން ކަމަށް މިފްކޯއިން ބުނެފައިވެއެވެ.
މިފްކޯއިން އިތުރަށް ބުނީ މަސްވެރިކަން ރަނގަޅުވުމާއެކު އެކުންފުނީގެ ފިހާރަތަކުން ފޯރުކޮއްދޭ ބާވައްތައް ލިބެންހުންނާނޭ ކަމަށެވެ.
