މިނިސްޓަރ އޮފް ކޮންސްޓްރަކްޝަން އެންޑް އިންފްރާންސްޓްރަކްޗަރ، ޑރ. އަބްދުﷲ މުއްތަލިބް އާއި، މިނިސްޓަރ އޮފް ޓްރާންސްޕޯޓް އެންޑް ސިވިލް އޭވިއޭޝަން، މުހައްމަދު އަމީން ހަނިމާދޫ އިންޓަރނޭޝަލް އެއަރޕޯޓްގެ ރީޑިވެލޮޕްމެންޓް ސައިޓަށް، ޒިޔާރަތް ކުރައްވައިފި ކަމަށް އެއަރޕޯޓްސްއެމްވީން ބުނެފިއެވެ.
އެއަރޕޯޓްސްއެމް.ވީން މިހެން ބުނެފައިވަނީ ފޭސްބުކުގައި ކޮށްފައިވާ ޕޯސްޓެއްގައެވެ.
އެ ޕޯސްޓްގައި އިތުރަށް ބުނެފައިވަނީ ހަނިމާދޫ އިންޓަނޭޝަނަލް އެއަރޕޯޓް ރީޑެވެލޮޕްމެންޓް ޕްރޮޖެކްޓްގެ 67.5 % މަސައްކަތް މިހާރު ނިމިފައިވާ ކަމަށެވެ.
ހަނިމާދޫ އެއަރޕޯޓު މަޝްރޫއަކީ 2022 ގައި އިންޑިއާގެ ޖީއެމްސީއާ ހަވާލުކޮށްގެން ކުރިއަށް ގެންދާ މަޝްރުއޫއެކެވެ. މި މަޝްރުއޫގެ ދަށުން އެއާޕޯޓުގެ އާ ޕްރޮޖެކްޓާ އެކު 2.7 ކިލޯ މީޓަރުގެ ރަންވޭ އަކާއި 1.3 މިލިއަން ފަސިންޖަރުންނަށް ހިދުމަތް ދެވޭ ޓާމިނަލެއްގެ އިތުރުން ޖެޓް ފިއުލް ސްޓޯރޭޖެއްވެސް ގާއިމު ކުރާގޮތަށް ވަނީ ހަމަޖެހިފައެއެވެ.
މި ޒިޔާރަތުގައި އިންޑިޔާގެ ހައި ކޮމިޝަނަރާއި، މިނިސްޓަރ އޮފް ސްޓޭޓް ފޯ ކޮންސްޓްރަކްޝަން އެންޑް އިންފްރާސްޓްރަކްޗަރ، އިބްރާހިމް ތޮއާމް މުހައްމަދުގެ އިތުރުން އިންޑިއާ ހައި ކޮމިޝަންގެ އިސް ބޭފުޅުން ބައިވެރިވެވަޑައިގެންނެވި ކަމަށް އެއަރޕޯޓްސްއެމްވީން ބުނެފައިވެއެވެ.
