ވޭޕާއި އީ-ސިނގިރޭޓުގެ ގޮތުގައި ބޭނުން ކުރާ ތަކެތިން ސްޕާމް ކައުންޓް ވަރަށް ބޮޑަށް ދަށްކޮށްލައި ދަރިން ލިބުމަށް ހުރަސްއަޅާ ކަމަށް ސްޕެއިނުގެ ޔުނިވަރސިޓީއަކުން ކުރި ދިރާސާއަކުން ދައްކައިފިއެވެ.
ޔުނިވަރސިޓީގެ މިދިރާސާ ހާމަކޮށްފައި ވަނީ ސްޕެނިޝް ބަހުން ނެރޭ ޖާނަލްއެއް ކަމަށްވާ "ރެވިސްޓަރ އިންޓަނޭޝަނަލް ޑި އޮންޑްރޮލޮޖިއާ" ގައެވެ.
މިދިރާސާގައި ބުނެފައި ވަނީ ވޭޕާއި އީ-ސިނގިރޭޓް ބޭނުން ކުރާ މީހުންގެ ސްޕާމް ކައުންޓް 98.5 މިލިޔަން ޕަރ މިލިލީޓަރއިން 95.1 މިލިޔަން ޕަރ މިލިލީޓަރއަށް ދަށްކޮށްލާ ކަމަށެވެ.
ރާއްޖޭގައިވެސް ދަރިމައިވުމުގެ ސިއްހަތު ކަންބޮޑުވާންޖެހޭ ހިސާބެއްގައި އޮތްއިރު މިއީ ވިސްނާލަން ޖެހިފައި އޮތް ކަމެކެވެ.
ވޭޕާއި އީ-ސިނގިރޭޓުން ލިބޭ އެހެނިގެން ގެއްލުންތައް
ޖިންސީ ބަލިކަށިކަންފުއްޕާމޭ ހަލާކުވުންސިކުނޑީގެ ނުކުޅެދުންތެރިކަން ދަރިމައިވުމުގެ މައްސަލަތައް ވޭޕާއި އީ-ސިނގިރޭޓާ ދެކޮޅަށް ޤައުމުތަކުން ވަރުގަދަ ފިޔަވަޅުތަކެއް33 ގައުމަކުން މިހާތަނަށް ވަނީ ވޭޕާއި އީ-ސިނގިރޭޓް ވިއްކުން މަނާކޮށްފައި. މީގެ ތެރޭގައި އާޖެންޓީނާ އާއި ބްރެޒިލް، އަދި ދިވެހިން ގިނައިން ގޮސްއުޅޭ ގައުމުތައް ކަމަށްވާ މެލޭޝިޔާ އާއި އިންޑިޔާ، ސްރީލަންކާ، ސިންގަޕޫރު އަދި ތައިލޭންޑް ފާހަގަ ކޮށްލެވޭ.ވޭޕާއި އީ-ސިނގިރޭޓް ގިނައިން ބޭނުން ކުރަނީ ތަރައްޤީ ވަމުން އަންނަ ގައުމުތަކުގައި ތަފާސް ހިސާބުތަކުން ދައްކާ.
މައިގަނޑު ގޮތެއްގައި ވޭޕާއި އީ-ސިނގިރޭޓް ވިއްކަނީ އޭގައި ނިކޮޓިންގެ މާއްދާ ނުހިމެނޭ ކަމަށް ބުނެ، މީގެ ސަބަބުން ސިއްހަތަށް ގެއްލުމެއް ނެތް ކަމަށް ވިސްނައިދީގެންނެވެ. ވޭޕާއި އީ-ސިނގިރޭޓް ބޭނުން ކުރުން ރާއްޖޭގައި އިންތިހާއަށް ގިނަވަމުން އަންނައިރު، ރާއްޖޭގެ ޒުވާނުން މެދުގައިވެސް ވިސްނުން އޮތީ މިއީ ގެއްލުމެއް ނެތް ބުއިމެއް ކަމަށެވެ. އެކަމަކު ދުނިޔޭގެ ވަރުގަދަ ދިރާސާތަކުން ދައްކަމުން މިދަނީ މިއީ ތިމާއަށާއި ތިމާގެ ދަރިފަސްކޮޅަށް އޮތް ބޮޑު ނުރައްކަލެއް ކަމަށެވެ.
