އެމްއެންޑީއެފް ފަޔަރ އެންޑް ރެސްކިޔު ސަރވިސްއިން އަމީނިއްޔާ ސްކޫލުގެ ލިޓްލް މެއިޑް ދަރިވަރުންނަށް އަމާޒުކޮއްގެން ފަޔަރ އެވެއަރނަސް ސެޝަންއެއް ކުރިއަށް ގެންގޮސްފިއެވެ.
މި ސެޝަންގައި ކިޔަވައިދީފައިވާ ބައިތަކުގެ ތެރޭގައި އަލިފާން ރޯވާން މެދުވެރިވާ ސަބަބުތަކާއި، އަލިފާން ފެތުރޭ ގޮތްތަކާއި، އަލިފާން ނިއްވާނެ ގޮތުގެ އަސާސީ މަޢުލޫމާތާއި، އަލިފާންނިވިއާއި ފަޔަރ ބްލޭންކެޓް ބޭނުން ކުރާނެގޮތުގެ މުހިންމު މަޢުލޫމާތުތައް ދަރިވަރުންނަށް ހިއްސާކޮއްފައިވާކަމަށް އެމެންޑީއެފްއިން ވިދާޅުވިއެވެ.
މީގެ އިތުރުން، މި ސެޝަންގައި އަމަލީ ގޮތުން އަލިފާން ނިއްވާނެ ގޮތް ދައްކައިދީ، އަލިފާން ނިއްވުމުގެ ހުނަރުތައް ވަނީ ދަރިވަރުންނަށް އުނގަންނައިދީފައެވެ. މި ސެޝަންގައި ދަރިވަރުންނަށް މަޢުލޫމާތު ފޯރުކޮށްދީފައިވަނީ އެމްއެންޑީއެފް ފަޔަރ އެންޑް ރެސްކިޔު ސަރވިސްގެ ފަޔަރފައިޓަރުންނެވެ.
ހުރަވީ ސްކޫލުގައި ޖުލައި 19 ވަނަ ދުވަހު ކުރިއަށްދިޔަ މި ސެޝަންގައި އަމީނިއްޔާ ސްކޫލުގެ 63 ލިޓްލް މެއިޑް ދަރިވަރުން ބައިވެރިވިކަމަށް އެމްއެންޑީއެފްއިން ވިދާޅުވިއެވެ.
އެމްއެންޑީއެފްއިން އަންނަނީ ރާއްޖޭގެ އެކި ކަންކޮޅުތަކުގައި ސްކޫލް ކުދިންނަށް ފަޔަރ އެވެއަރނަސް ސެޝަނެއްތަށް އިންތިޒާމުކޮށް އަލިފާންނިވުމުގެ އަސާސީ ހުނަރިތައް ދަސްކޮށްދެމުންނެވެ.
