މިއަދު ހެނދުނު މާލޭ ސިޓީގެ ބައެއް ސަރަހައްދުރަކުން ކަރަންޓުގެ ހިދުމަތް މެދުކެނޑޭނެކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ)އިން ވިދާޅުވެއްޖެއެވެ.
ސްޓެލްކޯއިން ވިދާޅުވީ ކަރަންޓް ހިދުމަތް މެދުކެނޑެނީ އެ ކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތް ކުރިއަށް ދާތީ ކަމަށެވެ.
އެގޮތުން މިއަދު ހެނދުނު 09:30 ން 11:30 ށް މާލެ ސިޓީ، ކެނެރީ މަގު، ސައްޔިދުކިލެގެފާނު މަގު އަދި ބުލްބުލް ގޯޅި ހިމެނޭ ސަރަހައްދުން ކަރަންޓުގެ ހިދުމަތް މެދުކެނޑުމަކީ އެކަށީގެންވާ ކަމެއް ކަމަށް އެ ކުންފުނިން ވިދާޅުވިއެވެ.
އަދި މިއަދު މެންދުރު 14:00 ން 16:00 ށް މާލެ ސިޓީ، ބޮޑުރަސްގެފާނު މަގު ހިމެނޭ ސަރަހައްދުންވެސް ކަރަންޓުގެ ހިދުމަތް މެދުކެނޑިދާނެ ކަމަށް އެ ކުންފުނިން ވިދާޅުވެފައިވެއެވެ.
މި ކަމާ ގުޅިގެން ސްޓެލްކޯއިން ވަނީ ދިމާވާނެ ދަތިތަކަށް މާފަށް އެދިވަޑައިގަންފައެވެ.
