ޓޮޓެންހަމް ހޮޓްސްޕާ ދޫކޮށް, ޑެންމާކްގެ ތަޖުރިބާކާރު ޑިފެންޑަރު ޕިއާ-އެމިލް ހޮއިބިއާ ފްރާންސްގެ މާސޭއަށް ސޮއިކޮށްފިއެވެ.
އިޓަލީގެ އިތުބާރުހުރި ޖާނަލިސްޓް ފަބްރީޒިއޯ ރޮމާނޯ ސޯޝަލް މީޑިއާގައި އާންމު ކުރި ޕޯސްޓެއްގައި ވަނީ މާސޭއަށް ހޮއިބިއާ ސޮއިކުރިކަން ޔަގީން ކޮށްދީފައެވެ. ފަބްރީޒިއޯ ހާމަކުރި ގޮތުގައި ހޮއިބިއާގެ ސޮއި ޔަގީން ކުރުމަށް ޓަކައި މާސޭއިން ވަނީ ޓޮޓެންހަމަށް 14 މިލިއަން ޔޫރޯއާ ގާތްކުރާ އަދަދެއް ޓޮޓެންހަމަށް ދައްކާފައެވެ.
28 އަހަރުގެ ހޮއިބިއާ, ޓޮޓެންހަމް ދޫކޮށް މާސޭއަށް ސޮއިކުރި އިރު އޭނާ ޓޮޓެންހަމާއެކު ހަދާފައިވާ ކޮންޓްރެކްޓު ހަމަވާން އަދި އެއް އަހަރު އެބަ އޮތެވެ. ނަމަވެސް ޓޮޓެންހަމާއެކު އިތުރު ކޮންޓްރެކްޓެއްގައި ސޮއި ކުރަން ހޮއިބިއާ އެއްބަސް ނުވުމުން, ޓޮޓެންހަމް ވަނީ އެ ކްލަބު ދޫކޮށް މާސޭއަށް ދިއުމުގެ ފުރުސަތު އޭނާއަށް ފަހި ކޮށްދީފައެވެ.
2020 ވަނަ އަހަރު ސައުތޭމްޕްޓަނުން 20 މިލިއަން ޑޮލަރުގެ އަގަކަށް ޓޮޓެންހަމާ ގުޅުނު ހޮއިބިއާ ވަނީ, އެ ކްލަބުގެ މިޑްފީލްޑުގައި މުހިއްމު ދައުރެއް އަދާ ކޮށްފައެވެ. އޭނާ އެ ކްލަބާ ގުޅުނު ފަހުން އަބަދު ވެސް ފުރަތަމަ އެގާރައިން ޖާގަ ލިބުނު ކަމުގައިވިއަސް, ޓޮޓެންހަމުގެ ހެޑްކޯޗުކަމުގެ މަގާމަށް ދާދި ފަހުން އައްޔަނު ކުރި އޭންޖް ޕޮސްޓެކޯގްލޫގެ ފުރަތަމަ އެގާރައިން އޭނާއަށް ވަނީ ޖާގަ ހޯދޭ ގޮތް ނުވެފައެވެ.
