މޯލްޑިވްސް ޕޮލިސް ސަރވިސްއިން ފުލުހުންގެ ތެރޭގައި އެކި މަޤާމުތަކަށް މީހުން ހޯދުމަށް އިޢުލާނުކޮށްފިއެވެ.
ޕޮލިސް ސާވިސްއިން އިއުލާނުކޮއްފައިވާ މަޤާމުތަކުގެ ތެރޭގައި ކޮންސްޓަބަލް، ސާޖަންޓް ގްރޭޑް 1، 2، 3، އަދި ސީނިއަރ ސާޖަންޓް ގްރޭޑް 1 އަދި 2 ހިމެނެއެވެ.
މިގޮތުން، ކޮންސްޓަބަލްގެ މަޤާމަށް މުސާރައިގެ ގޮތުގައި 15،500ރ އިން ފަށައިގެން ސީނިއަރ ސާޖަންޓް ގްރޭޑް 2 އަށް 26،600ރ މުސާރައިގެ ގޮތުގައި ލިބޭނެކަމަށް އެއިދާރާއިން ވިދާޅުވިއެވެ.
ވަޒީފާއަށް ކުރިމަތިލާން ބޭނުންވާ ފަރާތްތަކުން ވަޒީފާއަށް އެދޭ ފޯމާއެކު ހުރިހާ ކަމާބެހޭ ލިޔެކިޔުންތައް ޕޮލިސް ހެޑްކުއާޓަރސްއަށް ހުށަހެޅުމަށް ދަޢުވަތު ދެއެވެ. ފޯމު ހުށަހެޅުމުގެ ސުންގަޑިއަކީ 1 އޯގަސްޓް 2024 ވާ ދުވަހުގެ 16:00 ގެ ކުރިންނެވެ.
މި މަޤާމުތަކާބެހޭ އިތުރު މައުލޫމާތު ހޯދެއްވުމަށް މި ލިންކަށް ޒިޔާރަތްކޮއްލެއްވުމަށް ފުލުހުން އެދިލައްވައެވެ.
