މިއަދު މާލޭ ސިޓީގެ ބައެއް ސަރަހައްދުތަކުން ކަރަންޓުގެ ހިދުމަތް މެދުކެނޑުން އެކަށީގެންވާކަމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ވިދާޅުވެއްޖެއެވެ.
އެ ކުންފުނިން ވިދާޅުވީ ކަރަންޓް ހިދުމަތް މެދުކެނޑެނީ އެ ކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތް ކުރިއަށްގެންދަން ހަމަޖެހިފައިވާތީކަމަށެވެ.
އެގޮތުން، މިއަދު (25 ޖުލައި) މެންދުރުފަހު 14:00 ން 17:00 ށް މާލެ ސިޓީ، ހެންވޭރު، ރޯޝަނީ މަގު، ކަސްތޫރި މަގު އަދި ސަނދުބަރަކަ ގޯޅި ހިމެނޭ ސަރަޙައްދުން ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ސްޓެލްކޯއިން ވިދާޅުވިއެވެ.
މީގެ އިތުރުން، ހެނދުނު 10:00 ން 11:30 މާލެ ސިޓީ، ހުޅުމާލެ، ފޭސް 1، ރަބަރުގަސް މަގު ގޯޅި 6 އަދި ގޯޅި 7 ހިމެނޭ ސަރަޙައްދާއި މެންދުރުފަހު 14:00 ން 15:30 ށް ހުޅުމާލެ، ފޭސް 1، ބޮކަރުމާ ހިނގުން ހިމެނޭ ސަރަޙައްދުންވެސް ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ސްޓެލްކޯއިން ވިދާޅުވިއެވެ.
ކަރަންޓުގެ ވިއުގަ އަޕްގްރޭޑް ކުރުމުގެ މި މަސައްކަތްތަކުގެ ސަބަބުން ކަރަންޓުގެ ހިދުމަތް މެދުކެނޑިގެން ދިމާވާނެ ދަތިތަކަށް ސްޓެލްކޯއިން ވަނީ މާފަށް އެދިވަޑައިގަންފައެވެ.
