އދ. މާމިގިލި، ނ. ވެލިދޫ، ހއ. އިހަވަންދޫ އަދި ގއ. ކޮލަމާފުށީގައި ޒަމާނީ ފެންވަރަށް މަގުތައް ތަރައްޤީ ކުރުމުގެ މަޝްރޫއުތަކުގެ މިވަގިތު ހިނގަމުންދާ މަސައްކަތްތަކުގެ ތަފްސީލު ރޯޑް ޑެވެލޮޕްމަންޓް ކޯޕަރޭޝަން (އާރްޑީސީ) އިން އަދާހަމަ މެދުވެރިކޮށް ހިއްސާކޮށްފިއެވެ.
މިގޮތުން، އދ. މާމިގިލީގައި މަގު ހެދުމުގެ މަޝްރޫއުގެ ދަށުން ރަށްދެބައި މަގު އަދި އަމީނީމަގުގައި ކޯނަރ ކާރބް ޖެހުމުގެ މަސައްކަތް ކުރެވިފައިވާކަމަށް އާރްޑީސީއިން ބުނެފައިވެއެވެ. މާމިގިލި މަގުތައް ޒަމާނީ ފެންވަރަށް ތަރައްޤީ ކުރުމުގެ މަސައްކަތް އާރްޑީސީއާ ހަވާލުކޮއްފައިވަނީ 2020 ވަނަ އަހަރުގެ ސެޕްޓެންބަރުމަހުގައި 95 މިލިއަން ރުފިޔާއަށެވެ.
ނ. ވެލިދޫ މަގުތައް ހެދުމުގެ މަޝްރޫއުގެ ދަށުން މިހާރު އޯޝަން މަގުގައި ކާރބް ސްޓޯން ގެޕް ފިލިންގގެ މަސައްކަތް ކުރެވިފައިވާކަމަށް އާރްޑީސީއިން ބުނެފައިވެއެވެ. މި މަޝްރޫއު އާރްޑީސީއާ ހަވާލުކޮއްފައިވަނީ 2021 ވަނަ އަހަރުގެ ނޮވެމްބަރުމަހުގައި 88 މިލިއަން ރުފިޔާއަށެވެ.
އާރްޑީސީއިން ބުނީ ހއ. އިހަވަންދޫ މަގު ހެދުމުގެ މަޝްރޫއުގެ ދަށުން ކަސްޓީން ޔާޑުގައި ޖަންކްޝަން މަތިގަނޑު އަދި ކާރބް ސްޓޯން އެޅުމުގެ މަސައްކަތް ކުރެވިފަިވާކަމަށެވެ. އިހަވަންދޫ ަގުތައް ޒަމާނީ ފެންވަރަށް ތަރައްޤީ ކުރުމުގެ މަސައްކަތް އާރްޑީސީއާ ހަވާލުކޮއްފައިވަނީ 2023 ވަނަ އަހަރުގެ އޭޕްރީލްމަހުގައި 102 މިލިއަން ރުފިޔާއަށެވެ.
ގއ. ކޮލަމާފުށީގައި ދޮންކަމަނަ ހިނގުމުގައި ކާރބް ސްޓޯން ޖެހުމުގެ މަސައްކަތްވެސް ކުރެވިފަވާ ކަމަށް އާރްޑީސީއިން ހާމަކުރިއެވެ. މި މަޝްރޫއު އާރްޑީސީއާ ހަވާލުކޮއްފައިވަނީ 2022 ވަނަ އަހަރުގެ ޖެނުއަރީމަހުގައި 85 މިލިއަން ރުފިޔާއަށެވެ.
