އެންމެފަހުގެ ޔޫރޯގައި ޖަރުމަނު ގައުމީ ޓީމުން ފާހަގަ ކުރެވުނު އިސްކޮޅުން ދިގު ފޯވާޑް ނިކްލަސް ފުލްކްރަގް ހަތަރު އަހަރުގެ އެއްބަސްވުމެއްގެ ދަށުން އިނގިރޭސި ޕްރިމިއަރ ލީގުގެ ވެސްޓްހޭމް ޔުނައިޓެޑަށް މިއަދު ސޮއި ކޮށްފިއެވެ.
ޖަރުމަނުގެ ބްރޯޝިޔާ ޑޯޓްމަންޓަށް ކުޅެމުންދިޔަ ފުލްކްރަގް،31، ވެސްޓްހޭމަށް ސޮއި ކުރީ 34 މިލިޔަން ޑޮލަރުގެ ޓްރާންސްފާ ފީ އަކަށެވެ. އެކަމަކު ވެސްޓްހޭމްއިން އޭނާއަށް ދިނުމަށް ހަމަޖެހިފައިވާ މުސާރަ މިހާތަނަށް ހާމަކޮށްފައެއް ނުވެއެވެ.
ފުލްކަރްގް ވެގެންގާނީ ކުރިއަށް އޮތް ސީޒަނުގައި ވެސްޓްހޭމުން ލީގުގެ ގަދަ ހަތަރެއް ކަށަވަރު ކުރުމަށް ހިފާފައިވާ އަމާޒަށް ވާސިލުވުމަށް އެންމެ ބޮޑު ޒިންމާއެއް ކޮނޑުގައި އަޅަންޖެހޭ ކުޅުންތެރިޔާއަށެވެ. ފުލްކަރުގެ އިތުރުން ވެސްޓްހޭމުން ދަނީ ކުރިއަށް އޮތް ސީޒަނަށް ޓީމު ވަރުގަދަ ކުރުމަށްޓަކައި ވެން ބިސައްކާ ގެނައުމަށްވެސް މަސައްކަތް ކުރަމުންނެވެ.
