މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) ލ. ހިތަދޫ ކައުންސިލާއެކު ބައްދަލުވުމެއް ބާއްވައި، ކުރިއަށް ގެންދެވިދާނެ މަޝްރޫޢުތަކާއި ކޯޕަރޭޓް ސޯޝަލް ރެސްޕޮންސިބިލިޓީ (ސީއެސްއާރު) ހަރަކާތްތަކާ ބެހޭގޮތުން މަޝްވަރާކުރައްވައިފިއެވެ.
މިބައްދަލުވުމުގައި އެމްޓީސީސީގެ ސީއީއޯ އަބްދުﷲ ޒިޔާދާއި އެމްޓީސީސީގެ ޓީމުން ބައިވެރިވަޑައިގެންފައިވެއެވެ. މި މަޝްވަރާތަކުގެ މަޤްޞަދަކީ ރޭވުންތެރި މަޝްރޫޢުތަކެއްގެ ޒަރީޢާއިން ރަށުގެ މުޖުތަމަޢުއަށް ފައިދާކުރާނެ ގޮތްތައް ހޯދުމެވެ.
މީގެ އިތުރުން، ސީއީއޯ އަބްދުﷲ ޒިޔާދާއި އެމްޓީސީސީ ޓީމުން ދަމާސް ކޮމްޕެނީ ޕްރައިވެޓް ލިމިޓެޑްގެ އިސްވެރިންނާވެސް ބައްދަލުކުރިއެވެ. މި ބައްދަލުވުމުގައި އަމާޒުކުރެވުނީ ދެފަރާތަށް އެއްބާރުލެވޭނެ ދާއިރާތައް ފާހަގަކޮށް، ކުރިމަގުގައި އެކުގައި މަސައްކަތްކުރުމާއި ވިޔަފާރީގެ ގުޅުން ބަދަހިކުރުމަށް މަގުފަހިކުރުމެވެ.
މި ބައްދަލުވުންތަކުން ހާމަވަނީ މުޖުތަމަޢު ތަރައްޤީކުރުމަށާއި މުހިންމު ބައިވެރިންނާއެކު އެއްބާރުލުން އިތުރުކުރުމަށް އެމްޓީސީސީން ދެމުންގެންދާ އަހައްމިއްޔަތުކަމެވެ.
