އިންޑިއާގެ ބިހާރު ސްޓޭޓުގެ ގައި 6 އަހަރުގެ ކުއްޖަކު ސްކޫލަށް ބަޑި ގެނެސް، އެހެން 10 އަހަރުގެ ކުއްޖަކުގަޔަށް ބަޑީ ޖަހައިފިއެވެ. ރިޕޯޓުތަކުން ބުނާގޮތުން އެކުއްޖާއަށް ބަޑި ޖެހިފައިވަނީ އޮޅުމަކުންނެވެ.
ޒަހަމްވި ކުއްޖާ މިހާރު ދަނީ ހޮސްޕިޓަލުގައި ފަރުވާ ހޯދަމުންނެވެ. އަދި ކުޑަ ކުއްޖާއަށް ބަޑި ލިބުނު ގޮތް ދެނެގަތުމަށް ފުލުހުން މިހާރުދަނީ ތަޙުޤީޤު ކުރަމުންދެއެވެ.
މި ހާދިސާއާ ގުޅިގެން ސްކޫލުގެ ޕްރިންސިޕަލް ވަނީ ފުލުހުންގެ ބެލުމުގެ ދަށަށްގެންގޮސް، ސްކޫލު ވަގުތީގޮތުން ބަންދުކޮށްފައެވެ. އަދި ބަޑި ޖެހި ކުއްޖާގެ ބައްޕަ ހޯދުމަށް މަސައްކަތް ދަނީ ކުރަމުންދެއެވެ. ސީނިއަރ ފުލުސް އޮފިސަރ ޕިޕިން ކުމާރު އޭބީޕީ ނިއުސްއަށް މައުލޫމާތު ދެއްވަމުން ވިދާޅުވި ގޮތުގައި، ކުޑަ ކުއްޖާ ހީކުރީ އެ ބަޑިއަކީ ކުޅޭ އެއްޗެއް ކަމަށެވެ. އަދި ކުޅެމުން ދަނިކޮށް އޮޅިގެން ވަޒަން ޖެހުނީއެވެ. ވަޒަން ޖެހުނު ކުއްޖާ ބުނާ ގޮތުގައި، މި ދެ ކުދިންގެ މެދުގައި އެއްވެސް ޒާތީ މައްސަލައެއް އޮތް ކަމަކަށް ނުދެކެއެވެ.
މި ހާދިސާއާ ގުޅިގެން ސުޕައުލް ޑިސްޓްރިކްޓްގައި ހަމަނުޖެހުން އުފެދި، ބެލެނިވެރިން ދަނީ ސްކޫލު ކުރިމަތީގައި އިހުތިޖާޖު ކުރަމުންނެވެ. މިފަދަ ހާދިސާތައް ތަކުރާރުވިޔަ ނުދިނުމަށް، ދަރިވަރުންގެ ދަބަސްތައް ގަވާއިދުން ޗެކުކުރުމަށް ފުލުހުން ވަނީ ސްކޫލުތަކަށް އިލްތިމާސްކޮށްފައެވެ.
އިންޑިއާއަކީ ހަތިޔާރާ ބެހޭ ގޮތުން ވަރަށް ހަރުކަށި ޤާނޫނުތަކެއް އޮންނަ ޤައުމެކެވެ. އެ ޤައުމުގައި ބަޑި ގަތުމަށް ހުއްދަ ލިބޭނީ ފުރާނައަށް ނުރައްކާވެފައިވާކަން ސާބިތުކޮށްދެވޭ ފަރާތްތަކަށެވެ. ނަމަވެސް، ބިހާރު ފަދަ ބައެއް ސްޓޭޓްތަކުގައި ނުޤާނޫނީ ގޮތުން ހަތިޔާރު ވިއްކުމުގެ ވިޔަފާރި އަދިވެސް ކުރިއަށްދެއެވެ.
ނޭޝަނަލް ކްރައިމް ރެކޯޑްސް ބިއުރޯގެ މަޢުލޫމާތުން ދައްކާ ގޮތުގައި 2021 ވަނަ އަހަރު ބިހާރުގައި 4,035 ނުޤާނޫނީ ބަޑި އަތުލައިގެންފައިވެއެވެ. މިއީ މުޅި ޤައުމުގައި އެންމެ ގިނައިން ބަޑި ފުލުހުންގެ ބެލުމުގެ ދަށަށް ގެންދެވުނު ސްޓޭޓްތަކުގެ ތެރެއިން ހަތަރުވަނަ ސްޓޭޓެވެ.
ކޮބާތޯ ނުޤާނޫނީ ވުމަކީ.