ސަރުކާރުގެ އަމާޒަކީ ދިވެހިރާއްޖޭގެ އިޤްތިސާދުގެ ތިން ވަނަ ދާއިރާއެއްގެ ގޮތުގައި މެރިޓައިމް ދާއިރާ ކުރިއެރުވުން ކަމަށް މޯލްޑީވްސް ޕޯރޓްސް ލިމިޓެޑްގެ ސީއީއޯ މުޙައްމަދު ވަޖީހް އިބްރާހިމް ވިދާވެއްޖެއެވެ.
ޕީއެސްއެމް "ރާއްޖެ މިއަދު" ޕްރޮގްރާމްގައި ވާހަަކަދައްކަވަމުން ސީއީއޯ ވަޖީހް ވިދާޅުވީ އަމާޒަކީ މި ދައުރު ނިމިގެންދާރު އެމްޕީއެލް އަކީ ހަމައެކަނި ކާގޯ އޮޕަރޭޓް ކޮށްގެން ރެވެނިއު ހޯދާ ކުންފުންޏަކަށްވުރެ ބޮޑަށް މެރިޓައިމް ދާއިރާއިން ފުޅާ ޙިދުމަތްތަކެއްދޭ ކުންފުންޏަކަށް ހެދުންކަމަށެވެ. އަދި އޭގެ ސަބަބުން 1،000 އަށް ވުރެ ގިނަ ވަޒިފާ އުފެދިގެން ދާނެކަމަށް ސީއީއޯ ފާހަގަކުރެއްވިއެވެ.
އުތުރުގައި ފަށާ މެރިޓައިމްގެ ޚިދުމަތްތަކުގެ ސަބަބުން ވަޒީފާގެ ގިނަ ފުރުސަތުތަކެއް ހުޅުވިގެންދާނެކަމަށްވެސް ސީއީއޯ މުޙައްމަދު ވަޖީހް ވިދާޅުވިއެވެ.
އެގޮތުން، ސީ.އީ.އޯ މުޙައްމަދު ވަޖީހް ވިދާޅުވީ އުލިގަމުގައި ބަންކަރިން ޚިދުމަތް ދޭން ފެށުމުން 400 މިލިއަން ޑޮލަރުގެ ރެވެނިއު ޖެނެރޭޓް ކުރެވޭނެކަމަށެވެ. އަދި އެތަނުން ވޯޓާ ބަންކަރިންގ އަދި ސާފު ފެން ފޯރުކޮށްދިނުމުގެ އިތުރުން ކުރޫޒް ޓާރމިނަލް ޕައިލޭޓޭޖް ފަދަ ޚިދުމަތަތައް ލިބި ވަޒީފާގެ ގިނަ ފުރުސަތުތަކެއް ހުޅުވިގެންދާނެކަމަށް ސީއީއޯ ވަޖީހު ވިދާޅުވިއެވެ.
މީގެ އިތުރުން ޓަވަރ ޚިދުމަތްތައްވެސް ފޯރުކޮށްދޭނެ ކަމަށް ވިޖީހް ފާހަގަކުރެއްވިއެވެ. ކާބޯތަކެތި، ލޫބްރިކަންޓްސް އަދި ސްޕެއަރސް ފޯރުކޮށްދިނުން ފަދަ ޚިދުމަތްތައްވެސް ބަންކަރިންގ ޚިދުމަތުގެ ބައެއްގެ ގޮތުގައި އެމްޕީއެލްއިން ފޯރުކޮށްދޭނެ ކަމަށް ވިދާޅުވިއެވެ.
އެމްޕީއެލްގެ ސީއީއޯ ހާމަކުރެއްވި ގޮތުގައި، ބަންކަރިންގ ޚިދުމަތް ފެށުމުގެ ކުރިން އެ ކުންފުނިން ދަނީ މުވައްޒަފުންނަށް ދިރިއުޅުމުގެ ވަސީލަތްތައް ތަރައްޤީކުރަމުންނެވެ. މިގޮތުން، އޯގަސްޓް 21 ގައި މުވައްޒަފުން ތިބޭނެ ޢިމާރާތްތައް ނިންމާލެވޭނެ ކަމަށް ސީއީއޯ ވިދާޅުވިއެވެ. އޯގަސްޓް 22 ވަނަ ދުވަހު ބަންކަރިންގ ޚިދުމަތް ފެށުމަށް ކުންފުނިން އަމާޒު ހިފައެވެ.
މި މުޢާމަލާތްތައް ކުރެވޭނީ އެމެރިކާ ޑޮލަރުންކަމަށް ފާހަގަކުރައްވައި، މިކަމުގެ ސަބަބުން އިޤްތިޞާދަށް މިލިއަނުން ޑޮލަރު ވަންނާނެ ކަމަށް ވަޖީހު ފާހަގަކުރެއްވިއެވެ. މިކަމަކީ އެމްޕީއެލްއަށާއި ޤައުމުގެ އިޤްތިޞާދަށް ފައިދާހުރި ކަމެއްކަމަށް ސީއީއޯ ވަޖީހް ފާހަގަކުރެއްވިއެވެ. މި ޚިދުމަތުގެ ސަބަބުން ރަށްރަށުގައި އައު ވަޒީފާގެ ފުރުޞަތުތައް ލިބިގެންދާނެކަމަށް އިތުރުކުރައްވައި، އެމްޕީއެލްއިން މިހާރުވެސް އައު މުވައްޒަފުން ހޯދުމަށް އިޢުލާނުކޮށްފައިވާކަން ސީއީއޯ ހާމަކުރެއްވިއެވެ.
މީގެ އިތުރުން، ވަޖީދު ފާހަގަކުރެއްވި ގޮތުގައި މިކަމުގެ ސަބަބުން އިތުރު ވިޔަފާރީގެ ފުރުސަތުތައް ހުޅުވި، އެ ސަރަޙައްދުގައި ހިންގޭ އިޤްތިޞާދީ ޙަރަކާތްތައް އިތުރުވެގެންދާނެއެވެ. ރާއްޖޭގެ އުތުރުގައި ބަންކަރިންގ ޚިދުމަތް ފެށުމަށްޓަކައި 4,000 ޓަނުގެ ދެ ތެޔޮ ޓޭންކަރު ގެނައުމަށް ވަނީ ހަމަޖެހިފައެވެ.
ސަރުކާރުން ބަންކަރިންގ ޚިދުމަތް ތަޢާރަފުކުރަނީ ދެ މަރުޙަލާއެއްގެ މައްޗަށެވެ. ފުރަތަމަ ފިޔަވަހީގައި އެމްޕީއެލްއިން ބަނދަރުން ބޭރުގައި ނުވަތަ އޮފް-ޕޯޓް ބަންކަރިންގ ޚިދުމަތް ފޯރުކޮށްދޭނެއެވެ. މަޝްރޫޢުގެ ދެވަނަ ފިޔަވަހީގައި، ސަރުކާރުގެ މަޤްޞަދަކީ އެހެނިހެން ބޭނުންވާ ހުރިހާ ޚިދުމަތްތަކާއެކު ބަނދަރެއް ތަރައްޤީކުރުމެވެ. ބަންކަރިންގ ޚިދުމަތަކީ ކަނޑުގައި ދުއްވާ އުޅަނދުފަހަރަށް ތެޔޮ ފޯރުކޮށްދިނުމުގެ ޚިދުމަތެވެ.
ސަހަރޯ. މަޖޫރީ ވަޖީހު އަށް ކުރެވޭނެކަމަކީ ސީލާފަ އޭގަ ދަނޑިން ތެޅުން. މިކަލޭގެ އެމް.ޕީ.އެލް ގަ އެޔޮށް ހުރިހާ ޒަމާންވީއިރު އެތަނަށް އައި އެއްވެސް ތަރައްގީއެއްނެތް. އެހެންގައުމުގުތަކުގަ 12 ގަޑިއިރުން ފުރުވާލާ ބޯޓު އެމް.ޕީ.އެލް އަށް ފުރުވާލެވެނީ 12 ދުވަހުން. ރާއްޖޭގެ މުދާ އަގުބޮޑުވާ ސަބަބަކީވެސް އެމް.ޕީ.އެލްގެ ވަބާ. ސަރުކާރުން މިމީހުންނާ ހަވާލުކޮށްފަ އޮތް މުދާ ބޭލުމުގެ މަސައްކަތް އިހަށް ރަގަޅަށް ކުރެވޭތޯ ބަލާބަލެ. އެހެންނޫނީ އެމަސައްކަތް އެހެންބަޔަކާ ހަވާލުކޮށްފަ ދެން ހުރި ކަންކަމާ އުޅެބަލަ.