މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ސީއީއޯ މުޙައްމަދު ވަޖީހު އިބްރާހީމް، ބަންގްލަދޭޝްގެ ހައި ކޮމިޝަނަރު ހިޒް އެކްސެލެންސީ ރިއަރ އެޑްމިރަލް އެސް.އެމް އަބުލް ކަލާމް އަޒާދްއާ ބައްދަލުކުރައްވައިފިއެވެ.
މި ބައްދަލުވުމުގައި ސީއީއޯ ވަޖީހުގެ އިތުރުން އެމްޕީއެލްގެ އިސްބޭފުޅުންވެސް ބައިވެރިވެވަޑައިގެންނެވިއެވެ.
އެމްޕީއެލްއިން ބުނެފައިވާ ގޮތުގައި މި ބައްދަލުވުމުގެ މަޤްޞަދަކީ ދާދި ފަހުން އެމްޕީއެލްއިން ތަޢާރަފުކުރެވުނު ކަނޑުން-ވައިގެމަގަށް ނުވަތަ ސީ-ޓު-އެއާ ޓްރާންސްޝިޕްމަންޓް ކާގޯ ޚިދުމަތާ ބެހޭގޮތުން މަޝްވަރާކުރުމެވެ.
މި ބައްދަލުވުމުގައި، އެ ޚިދުމަތް ފުޅާކުރުމުގެ ފުރުޞަތުތަކާއި އެހެނިހެން އެކުވެރިކަމުގެ މަސައްކަތްތަކާ ބެހޭގޮތުންވެސް މަޝްވަރާކުރެވުނުކަމަށް އެމްޕީއެލްއިން ހާމަކުރިއެވެ.
