ޖަވާބު ދެއްވީ: ޑރ. މުޙައްމަދު ޢިޔާޟު ޢަބްދުއްލަތީފް
ސުވާލު:ކައިވެނި ކުރުމަށް މަންބަފައިން ހުރަސް އެޅުމުން، އެމީހުންގެ ނުރުހުމުގައި އެ ކައިވެނި ކުރުމަކީ ކޮން ކަހަލަ ކަމެއްތޯ؟
ޖަވާބު:لحمدلله والصلاةوالسلام على رسول الله وعلى آله وصحبه، أمابعـد:ރަސޫލުﷲ ޞައްލަﷲ ޢަލައިހި ވަސައްލަމަ ޙަދީޘް ކުރައްވާފައިވެއެވެ. (إِذَا أَتَاكُمْ مَنْ تَرْضَوْنَ خُلُقَهُ وَدِينَهُ فَزَوِّجُوهُ إِلَّاتَفْعَلُوا تَكُنْ فِتْنَةٌ فِي الْأَرْضِ وَفَسَادٌ عَرِيضٌ ) މާނައަކީ: "އަޚްލާގު ގޮތުންނާއި ދީނުގެ ގޮތުން ތިޔަބައިމީހުން ރުހޭ މީހަކު ކައިވެންޏަށް އެދިގެން އަތުވެއްޖެނަމަ ކައިވެނި ކޮށްދޭ ހުށި ކަމެވެ. ނޫންނަމަ ބިންމަތީގައި ފިތްނަވެރި ކަމަކާއި ބޮޑުވެގެންވާ ފަސާދަ އެއް އުފެދިދާނެއެވެ".
ކައިވެނި އަވަސް ކުރުމަށް ބާރުއަޅުއްވާ ކީރިިތި ރަސޫލާ ޞައްލަﷲ ޢަލައިހި ވަސައްލަމަ ޙަދީޘް ކުރައްވާފައިވެއެވެ. ރަސޫލުﷲ-ޞައްލަﷲ އަލައިހި ވަސައްލަމަ- ޙަދީޘް ކުރެއްވިއެވެ.(يَا مَعْشَرَ الشَّبَابَ، مَنِ اسْتَطَاعَ مِنْكُمُ الْبَاءَةَ فَلْيَتَزَوَّجَ، فَإِنَّهُ أَغَضُّ لِلْبَصَرِ، وَأَحْصَنُ لِلْفَرْجِ، وَمَنْ لَّمْ يَسْتَطِعْ فَعَلَيْهِ بِالصَّوْمِ، فَإِنَّهُ لَهُ وِجَاءٌ)މާނައަކީ: "އޭޒުވާނުންނޭވެ. ތިޔަބައިމީހުންގެ ތެރެއިން ކައިވެނި ކުރުމަށް ކުޅަދާނަކަން ލިބިގެންވާ މީހާ ކައިވެނި ކުރާ ހުށިކަމެވެ. އެގޮތުގައި ތިޔަބައިމީހުންގެ ލޯތަށް ތިރި ކުރުމަށް ބާރަކަށްވެއެވެ. އަދި ފަރްޖުތަކަށް ރައްކާތެރިކަން ބޮޑެވެ. އަދި ކުޅަދާނަކަން ލިބިގެންނުވާމީހާ ރޯދަހިފާހުށި ކަމެވެ. އެގޮތުގައި ރައްކާތެރިކަން ވެއެވެ". والله أعلم
[ލިޔުމުގެ އަސްލު ނެގިފައި ވަނީ ދިއިސްލާމް.ކޮމްއިންނެވެ].
