އިތުރު ކާގޯ ބޯޓެއް އައްޑޫ ސިޓީއަށް ދިއުމަށްޓަކައި މިއަދު އިންޑިޔާގެ ޓުޓިކޮރިން، އިން ދަތުރު ފަށައިފިކަމަށް މޯލްޑީވްސް ޕޯޓްސް ލިމިޓެޑް (އެމްޕީއެލް) ގެ ސީއީއޯ މުޙައްމަދު ވަޖީހް ވިދާޅުވެއްޖެއެވެ.

ސޯސަލް މީޑިއާގައި ކުރި ޕޯސްޓެއްގައި ސީއީއޯ ވަޖީހް ވިދާޅުވީ، ޝެޑިއުލްގައިވާ ގޮތުން މިބޯޓަށް އައްޑޫ ސިޓީ ހިތަދޫ ޕޯޓަށް ބަނދަރު ކުރެވޭނީ، މިމަހުގެ 17 ވާ ހޮނިހިރު ދުވަހުގެ ހަވީރުގެ ވަގުތެއްގައި ކަމަށެވެ. އިންޑިޔާގެ ފައިނެސް ގުރޫޕުން އޮޕަރޭޓް ކުރާ 'ނިއުމަތު' ނަމަކަށް ކިޔާ މިބޯޓުން ގިނަ އަދަދެއްގެ ތަރުކާރީ، މޭވާ އަދި ޖެނެރަލް ކާގޯ ގެ ބާވަތް ތައް އައްޑޫ ސިޓީ އަށް ގެންދާނެކަމަށް ސީއީއޯ ވަޖީހް ވިދާޅުވިއެވެ.

އައްޑޫ ސިޓީ އަށް ދާއިމީ ގޮތެއްގައި ޕެރިޝަބަލް ކާގޯ ގެނައުމަށް ކުރަމުންދާ މަސައްކަތުގެ ތެރެއިން، ނިމިދިޔަ ޖުލައިމަހު 10 ވަނަ ދުވަހު ފުރަތަމަ ބޯޓު ހިތަދޫގައި ބަނދަރު ކޮއްފައިވެއެވެ.

އެމްޕީއެލްއިން ވިދާޅުވީ، މީގެ ކުރިން އައްޑޫއަށް އިންޑިއާގެ ޓުޓިކޮރިންއިން ޕެރިޝަބަލް ކާގޯ ގެންނަނީ ލަކުޑި ބޯޓު ފަހަރުން ކަމަށްވާތ،ީ އެ ބޯޓު ފަހަރުން ދަތުރުކުރެވެނީ އަހަރުގެ ވަކި ދުވަސްތަކެއްގައެވެ. އެހެން ނަމަވެސ،ް އައްޑޫ ސިޓީއަށް ޕެރިޝަބަލް މުދާ ދާއިމީ ގޮތެއްގައި ގެނައުމަށް އެމްޕީއެލް އާއި ހިތަދޫ ޕޯޓުން ކުރި މަސައްކަތުނ،ް އިންޑިއާގެ ފައިނެސް ގުރޫޕު މެދުވެރިކޮށް ޖުލައި މަހުން ފެށިގެން އިންޑިއާގެ ޓުޓިކޮރިން އިން ދަގަނޑު ބޯޓު ފަހަރުގައި ދަތުރުތައް ވަނީ ފަށާފައިއެވެ.

އިތުރު ލިޔުންތައް އައްޑޫ ސިޓީ އެމްޕީއެލް