ކިލިއަން އެމްބާޕޭގެ ހުނަރުވެރިކަން ދުލުން ބަޔާން ނުކުރެވޭނެ ކަމަށް ރެއާލް މެޑްރިޑުގެ މިޑްފީލްޑަރު ޖޫޑް ބެލިންގްހަމް ބުނެފިއެވެ.
ބެލިންގްހަމް މިހެން ބުނީ ރޭގައި ކުޅުނު ފޯރިގަދަ ސުޕަރ ކަޕުގެ ފައިނަލަށްފަހު ދިން ބަސްދީގަތުމެއްގައި ވާހަކަދައްކަމުންނެވެ.
"ކުރިން ވެސް އެމްބާޕޭގެ ހުނަރުވެރިކަމަށް ތައުރީފު ކުރިން. އެކަމަކު މިހާރު އަދި އޭނާގެ ހުނަރުތައް ވަރަށް ކައިިރިން މާ ރަނގަޅަށް ފެނޭ. އެމްބާޕޭއަށް ހައްގުވާވަރަކަށް އަހަންނަށް އޭނާއަކަށް ތައުރީފެއް ނުކުރެވޭނެ" އެމްބާޕޭ ހުނަރުވެރިކަމަށް ތައުރީފު ކުރަމުން, ރޭގެ ސުލަރ ކަޕު ފައިނަލުގެ "މޭން އޮފް ދަ މެޗް" ބެލިންގްހަމް ބުންޏެވެ.
ބެލިންހަމްގެ އިތުރުން ރެއާލުގެ ކޯޗު ކާލޯ އެންޗެލޯޓީ ވެސް ވަނީ އެމްބާޕޭ ރެއާލުގެ ޓީމާއެކު ކުޅުނު ގޮތާ މެދު ހިތްހަމަޖެހުން ފާޅުކޮށްފައެވެ.
"އެމްބާޕޭގެ އެބަހުރި ކޮންމެ ސީޒަނަކު އެތައް ލަނޑެއް ކާމިޔާބު ކުރެވޭނެ ކަހަލަ ފެންވަރު. އެމްބާޕޭ ޓީމުގައި ހިމަނައިގެން ވަރަށް ރަނގަޅަށް މިއަދުގެ ފައިނަލުގައި ޓީމުގެ ކުޅުން ފެނިގެންދިޔައީ" ރޭގެ ފައިނަލަށްފަހު ވާހަކަދައްކަމުން އެންޗެލޯޓީ ބުންޏެވެ.
ރޭގައި ކުޅުނު ސުޕަރ ކަޕު ފައިނަލުގައި 2-0 އިން އެޓަލަންޓާ އަތުން ރެއާލް މޮޅުވި މެޗުގައި އެމްބާޕޭ ވަނީ ލަނޑެއް ކާމިޔާބު ކޮށްފައެެވެ. ރެއާލުގެ ޖާރޒީއެއްގައި ކުޅުނު ފުރަތަމަ މެޗުގައި އޭނާގެ ފަރާތުން ފެނިގެންދިޔަ މޮޅު ކުޅުމުގެ ސަބަބުން ސޯޝަލް މީޑިއާގައި އެކި ފަރާތްތަކުން އަންނަނީ, ރެއާލުގައި އެމްބާޕޭ އޭނާގެ ކުޅުން އިތުރު ހަރުފަތްތަކަކަށް މައްޗަށް ޖައްސާލާނެ ކަމަށް ލަފާ ކުރަމުންނެވެ.
