އިނގިރޭސި ޕްރިމިއަރ ލީގުގެ އައު ސީޒަނުގެ ފުރަތަމަ މެޗުގައި އަމިއްލަ ދަނޑުގައި ފުލަމްއާ އެއްވަރުވާން ދަނިކޮށް ފޯވާޑް ޔޯޝުއާ ޒިރްކްޒީ މެޗް ނިމެން ދަނިކޮށް ކާމިޔާބު ކޮށްދިން ލަނޑުން މަޝްހޫރު މެންވެސްޓަރ ޔުނައިޓެޑް ރޭ މޮޅުވެއްޖެއެވެ.
ޔުނައިޓެޑުގެ އޯލްޑް ޓްރެފޯޑް ސްޓޭޑިއަމްގައި ކުޅުނު މިމެޗުގައި ޒިރްކްޒީ ލަނޑު ޖެހީ މެޗުގެ 86 ވަނަ މިނެޓުގައެވެ. އޭގެ ކުރިން ފޯވާޑް މާކަސް ރަޝްފާޑަށް ލަނޑު ޖަހާނެ ރަނގަޅު ފުރުސަތެއް ލިބި ބޭނުމެއް ނުކުރެވުނެވެ.
މިމެޗުގައި މޮޅަށް ކުޅުނު ޒިރްކްޒީއަކީ މިދިޔަ ޖުލައި މަހު ޔުނައިޓެޑާ ގުޅުނު ކުޅުންތެރިއެކެވެ. ނެދަލޭންޑްސް ގައުމީ ޓީމަށް ދެމެޗް ކުޅެދީފައިވާ ޒިރްކްޒީ،23، ވަނީ 2019 އިން 2022 އަށް ކުޅެދީފައެވެ. މިމުއްދަތުގައި އެޓީމަށް ކުޅެދިން 12 މެޗުގައި 4 ލަނޑު ކާމިޔާބު ކޮށްދިނެވެ.
ޒިރްކްޒީ މިމެޗުގައި މޮޅު ކުޅުމެއްދެއްކިއިރު، މެންޗެސްޓަރ ޔުނައިޓެޑުގެ އެސިސްޓް ކޯޗެއްގެ ގޮތުގައި ހުރީ ނެދަލޭންޑްސް ގައުމީ ޓީމާއި މެންޗެސްޓަރ ޔުނައިޓެޑުގެ ކުރީގެ އެއްވަނަ ފޯވާޑް ރޫޑްވެން ނިސްޓެލްރޫއީކަން ފާހަގަ ކޮށްލެވެއެވެ.
ޕްރިމިއަރ ލީގުގައި މިއަދު ހަވީރު ރާއްޖޭ ގަޑިން 16:30 ގައި ލިވަޕޫލް ނިކުންނާނީ އިޕްސްވިޗާ ދެކޮޅަށެވެ. މިރޭ 19:00 ގައި އާސެނަލް އާއި ވުލްވޮސް ބައްދަކުރާއިރު، ހަމަ މިގަޑީގައި ނިއުކާސަލް އާއި ސައުތެމްޓަންވެސް ބައްދަލު ކުރާނެއެވެ.
