އިޒްރޭލުން ލުބުނާނަށް ދިން ހަމަލާއެއްގައި ދިހަ މީހަކު ޝަހީދުވެއްޖެއެވެ.
ލުބުނާނުގެ ނެޝަނަލަް ނިއުސް އޭޖެންސީއިން މައުލޫމާތު ދޭގޮތުގައި މިއަދު އިޒްރޭލުން ދިން ހަމަލާގައި ޝަހީދުވި ސީރިއާއަށް ނިސްބަތްވާ ދިހަ މީހުންނެވެ. އިޒްރޭލުން ދިން ހަމަލާގައި މަރުވި ދިހަ މީހުންގެ އިތުރުން 5 މީހަކަށް ބޮޑެތި އަނިޔާތަކެއް ވަނީ ލިބިފައެވެ. ލުބުނާނުގެ ނެޝަނަލަް ނިއުސް އޭޖެންސީއިން ވިދާޅުވިގޮތުގައި އިޒްރޭލުން ހަމަލާ ދީފައިވަނީ އާއްމުން ދިރިއުޅޭ އިމާރާތަކަށެވެ. ނަމަވެސް އިޒްރޭލުން ބުނާ ގޮތުގައި ލުބުނާނަށް ދިން ހަމަލާއަކީ އެތާގައި ހުރި ހަތިޔާރު ގުދަނަކަށް ދިން ހަމަލާއެކެވެ.
އިޒްރޭލުން ވަނީ މިދިޔަ އަހަރުގެ އޮކްޓޫބަރު 7 ގެ ފަހުން ވެސް މުސްލިމް އަށް ގައުމަކަށް ހަމަލާދީފައެވެ. މިގޮތުން އިޒްރޭލުން ފަލަސްތީނަށް ދީފައިވާ ހަމަލާތަކުގައި 40،000 އަށް ވުރެގިނަ މީހުން ވަނީ ގަތުލު ކޮށްފައެވެ.
