ފިލިޕީންސްއިން ވެސް އެމްޕޮކްސް ނުވަތަ މަކުނު ވިދުރި ބަލި ފެނިއްޖެއެވެ.
މިއީ މިއަހަރު އެގައުމުން ފެނުނު އެމްޕޮކްސްގެ އެންމެ ފުރަތަމަ ކޭސް ކަމަށް އެގައުމުގެ ހެލްތު ޑިޕާޓުމަންޓުން މައުލޫމާތުދެއެވެ. ފިލިޕީންސްގެ ހެލްތު ޑިޕާޓުމަންޓުން ވިދާޅުވީ އެމްޕޮކްސް ބައްޔަށް ޕޮސިޓިވްވި އުމުރު 33 އަހަރުގެ ފިރިހެން މީހާއަކީ އެގައުމުން ބޭރަށް ދަތުރު ކޮށްފައިވާ މީހެއް ނޫން ކަމަށެވެ.
ޑިމޮކްރެޓިކް ރިޕަބްލިކް އޮފް ކޮންގޯގައި މި ބަލި ފެތުރެމުންދިއުމާއި ގުޅިގެން ވޯލްޑް ހެލްތު އޯގައިޒޭޝަނުން ވަނީ ދުނިޔޭގެ އެކި ކަންކޮޅުތަކަށް މި ބަލި ފެތުރެދާނެ ކަމަށް ލަފާކޮށް، އެމްޕޮކްސް އަކީ ދުނިޔޭގެ އާންމު ސިއްހަތުގެ ކުއްލި ނުރައްކަލުގެ ހާލަތެއްގެ ގޮތުގައި ކަނޑައަޅާފަ އެވެ.
ރާއްޖޭގެ ހެލްތު ޕްރޮޓެކްޝަން އޭގެންސީއިން ވިދާޅުވީ މިހާރު ރާއްޖެއިން ދަނީ މި ބައްޔަށް ތައްޔާރު ވަމުން ކަމަށެވެ. މިގޮތުން ރާއްޖޭގައި މި ބަލި ކޮންޓްރޯލްކޮށް ޓެސްޓު ކުރެވޭނެ އިންތިޒާމުތަށް ދަނީ ހަމަޖައްސަމުންނެވެ.
