ޒަޔަނިސްޓް އިޒްރޭލުގެ ހަމަލާތަކުގެ ސަބަބުން ފަލަސްތީނުގެ ޣައްޒާގައި ފާއިތުވެދިޔަ 24 ގަޑިއިރު ތެރޭގައި 35 މީހުން ޝަހީދު ވެއްޖެއެވެ.
ފަލަސްތީނުގެ ސިއްހީ އިދާރާތަކުން ހާމަކޮށްފައިވާ ގޮތުގައި އިއްޔެ ޝަހީދުވެގެން ދިޔަ 35 މަީހުންގެ ތެރެއިން 9 ޝަހީދުވެފައިވަނީ އިޒްރޭލުން ޣައްޒާގެ ހުޅަނގުގައި ހުންނަ "ޝާތީ" ރެފިއުޖީ ކޭންޕަށް ދިން ހަމަލާއެއްގައެވެ. މި ރެފިއުޖީ ކޭންޕަކީ އދ އިން ޣައްޒާގައި ހަދާފައިވާ ރެފިއުޖީ ކޭންޕެކެވެ. މީގެއިތުރުން އިޒްރޭލުން ވަނީ ޣައްޒާޣައި އާއްމުން ދުއްވާ އުޅުނު ކާރެއް ގޮއްވާލާ 4 މީހަކު ޝަހީދުކޮށްލާފައެވެ.
ފަލަސްތީނުގެ މައުލޫމާތާއި ބެހޭ ސެންޓަރަށް ހަވާލާދީ އަލް ޖަޒީރާއިން ވިދާޅުވެފައިވަނީ އިޒްރޭލުގެ މަތިންދާ ބޯޓުތަކުން ޣައްޒާގައި އާންމުން ދިރިއުޅެމުންދާ ގެތަކަށް ބޮން އަޅާމުން ދިޔަކަމަށެވެ.
މިދިޔަ އަހަރުގެ އޮކްޓޫބަރު 7ގެ ފަހުން އިޒްރޭޅުން ވަނީ ފަލަސްތީނުގެ 40،000 އަށް ވުރެ ގިނަ މީހުން ޝަހީދުކޮށްލާފައެވެ. މި ގަތުލުއާއްމުގައި 16،000 އަށް ވުރެގިނަ ކުޑަކުދިން އިޒްރޭލުން ގަތުލު ކޮށްފައިވާއިރު، ގިނަ ބަަޔަކު ވަނީ ކާބޯތަކެތީގެ ދަތިކަން ކުރިމަތިވެ ބަޑުހައިހޫނުކަންމަތީ ޝަހީދުވެގެން ގޮސްފައެވެ.
