އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު، ޙާފިޒްކަމުގެ ސަނަދު ހާސިލްކުރެއްވި ޒުވާން ޙާފިޒް ރަޔާން އަޙްމަދު މުޙައްމަދާއި ބައްދަލުކުރައްވައިފިއެވެ.
އިސްލާމީ ކަންތައްތަކާ ބެހޭ ވުޒާރާގައި ކުރިއަށްދިޔަ މި ބައްދަލުކުރެއްވުމުގައި ރަޔާންގެ އާއިލާއިންވެސް ވަނީ ބައިވެރިވެލައްވާފައެވެ. މި ބައްދަލުކުރެއްވުމުގައި ރަޔާން ހާސިލްކުރެއްވި ފަޚުރުވެރި ކާމިޔާބީއަށް މަރުހަބާ ދަންނަވާ ޤުރުއާނުގެ ރޮނގުން ކުރިއަށް ދިއުމަށް ވަޒީރު ވަނީ ހިއްވަރު ދެއްވާފައެވެ.
ކީރިތި ޤުރުއާނާއި ބެހޭ މަރުކަޒުން ޤުރުއާން ހިތުދަސްކޮށް ހާފިޒުކަމުގެ ސަނަދު ހާސިލްކުރާ ދަރިވަރުންނާއި ވަޒީރު ޑރ. ޝަހީމް އަންނަނީ ބައްދަލުކުރައްވަމުންނެވެ.
